Рамазон Раҳимзода: «Ҳифзи Ватан, таъмини суботу оромӣ ва ҳимояи марзу бум вазифаи муқаддас аст!»

Май 29, 2017 10:45

ДУШАНБЕ, 29.05.2017. /АМИТ«Ховар»/. Дар доираи сафари хизматӣ ба вилояти Хатлон вохӯрии Вазири корҳои дохилии Ҷумҳурии Тоҷикистон генерал-лейтенанти милитсия Рамазон Раҳимзода бахшида ба Соли ҷавонон ва 20-умин солгарди Рӯзи Ваҳдати миллӣ бо афсарону сарбозони қисми низомии 3503-и Раёсати қӯшунҳои дохилии ВКД Ҷумҳурии Тоҷикистон бо қароргоҳ дар шаҳри Қӯрғонтеппа доир гардид.

Тавре аз Вазорати корҳои дохилии Ҷумҳурии Тоҷикистон хабар доданд, Вазири корҳои дохилӣ бо шароити хизмат ва фаъолияти афсарону сарбозони ин қисми низомӣ шинос шуда, ҷиҳати боз ҳам беҳтар намудани шароити хизматбарӣ ба масъулини соҳа дастуру супоришҳо дод.

Зикр гардид, ки бо дастгирӣ ва ғамхориҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар якчанд соли охир шароити моддӣ-маишӣ ва хизматрасонӣ дар қисмҳои низомии кишвар, бахусус Қӯшунҳои дохилии Вазорати корҳои дохилӣ беҳтар гардида, мувофиқи талаботи замони муосир ба роҳ монда шудааст.

Рамазон Раҳимзода таъкид кард, ки сол аз сол боло рафтани иқтидори давлату Ҳукумат, беҳтар гардидани шароити зиндагии мардум ва авҷи тараққиёти иқтисодиёту саноат ба беҳдошти шароити моддӣ-маишӣ ва хизматрасонии афсарону сарбозони Қӯшунҳои дохилӣ мусоидат намуда, тамоми имкониятҳо барои хизмат фароҳам оварда шудаанд.

«Муҳайё гардидани чунин шароити хуби хизматӣ аз ҳар як афсар ва сарбози содиқи Ватан тақозо менамояд, ки хизматро баҳри ободӣ ва тинҷию амонии кишвар сидқан ба ҷо оварда, вазифаҳоеро, ки дар назди онҳо гузошта мешаванд, бо сари баланд, бошарафона ва ҳисси баланди ватандӯстӣ иҷро намоянд. Зеро ҳифзи Ватан, таъмини суботу оромӣ, ҳимояи марзу бум ва сокинони он вазифаи муқаддаси ҳар як шаҳрванди Ҷумҳурии Тоҷикистон аст»,-гуфт вазир.

 

 

Май 29, 2017 10:45

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт