Рамазон Раҳимзода: «Кормандони милитсияро зарур аст бо мардум ҳамеша дар ҳамкории зич қарор дошта бошанд»

Май 12, 2017 11:50

ДУШАНБЕ, 12.05.2017. /АМИТ «Ховар»/. Дирӯз бо иштироки Вазири корҳои дохилии  Ҷумҳурии Тоҷикистон Рамазон Раҳимзода ва  раиси ноҳияи Фирдавсӣ Ҷамшед Табарзода дар шафати бинои асосии шуъбаи Вазорати корҳои дохилӣ-2 дар ноҳияи Фирдавсӣ бинои нав ва иншооти иловагӣ ба истифода дода шуданд.

Тавре аз Вазорати корҳои дохилии Ҷумҳурии Тоҷикистон хабар доданд, бинои иловагии мазкур аз ду ошёна иборат буда, барои кормандони Бахши шиносномавию бақайдгирӣ, шуъбачаҳои ҳифзи тартиботи ҷамъиятӣ ва гурӯҳи кор бо ҳайати шахсии ШВКД-2 дар ноҳияи Фирдавсӣ пешбинӣ гардидааст. Инчунин дар бинои якошёнаи алоҳидаи ҳамшафати он кормандони шуъбачаи кофтукови ҷиноятӣ, Хадамоти пешгирии ҳуқуқвайронкунӣ байни ноболиғон ва ҷавонон, инчунин шуъбачаи Бозрасии давлатии автомобилӣ соҳиби ҳуҷраҳои корӣ гардиданд.

Вазири корҳои дохилӣ зимни суҳбат бо роҳбарият ва ҳайати шахсии ШВКД-2 дар ноҳияи Фирдавсӣ онҳоро ба хизмати софдилонаю содиқона ба халқу Ватан ҳидоят намуда, ҷиҳати пурзӯр намудани фаъолияти хизматӣ дар самти мубориза бо ҷинояткорӣ, пешгирии қонуншиканӣ, таъмини тартиботи ҷамъиятӣ ва амнияти шаҳрвандон дастуру супориш дод.

Вазир таъкид кард, ки «кормандони милитсияро зарур аст, ки бо мардум ҳамеша дар ҳамкории зич қарор дошта, баҳри пешрафту ободии диёр саҳми арзанда гузоранд. Зеро яке аз самтҳои асосии ислоҳоти милитсия тақвият бахшидани ҳамкорӣ бо аҳолӣ мебошад».

Май 12, 2017 11:50

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт