Роҳбарони шаҳру вилоятҳо ва ноҳияҳо дигар намояндаи Президент дар маҳалҳо нестанд
ДУШАНБЕ, 18.05.2017 /АМИТ «Ховар»/. Аъзои палатаи болоии Парлумони Тоҷикистон тағйиру иловаҳоро ба Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» ҷонибдорӣ намуданд. Тибқи он минбаъд дар Тоҷикистон ҷавонони синнашон аз 20-сола боло ҳуқуқ пайдо мекунанд, ки ба ҳайси раис дар мақомоти худидораи шаҳраку деҳоти Тоҷикистон интихоб гарданд.
Ҳамзамон аъзои Маҷлиси миллӣ тағйиротро ба Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» ҷонибдорӣ намуданд, ки дар асоси он минбаъд раисони вилоятҳо, шаҳру ноҳияҳои Тоҷикистон намояндаи Президенти Ҷумҳурии Тоҷикистон дар маҳалҳо ба ҳисоб намераванд, зеро онҳо дар назди Президенти кишвар ҳисоботдиҳандаанд.
Дар иҷлосияи даҳуми Маҷлиси миллӣ инчунин тағйиру иловаҳо ба Қонуни Ҷумҳурии Тоҷикистон «Дар бораи таҳсилоти миёнаи касбӣ» ҷонибдорӣ гардид. Фарҳод Раҳимӣ, раиси кумитаи Маҷлиси миллӣ, ки ин масъаларо шарҳ дод, гуфт, ки тибқи ин тағйирот ятимон, маъюбон ва ҷавононе, ки дар сафи Артиши миллӣ хизмат намудаанд, ҳангоми дохил шудан ба муассисаҳои таҳсилоти миёнаи касбӣ аз имтиёз бархӯрдор мегарданд. Имтиёзҳо аз ҷониби Хукумати Ҷумҳурии Тоҷикистон муқаррар карда мешаванд. Тибқи тағйиру иловаҳо ба Қонуни Ҷумҳурии Тоҷикистон «Дар бораи нотариати давлатӣ» танҳо нафароне дар мақомоти нотариати давлатӣ фаъолият менамоянд, ки дорои ихтисоси ҳуқуқшиносӣ ва шаҳрванди Ҷумҳурии Тоҷикистон бошанд.
Илова ба Қонуни Ҷумҳурии Тоҷикистон «Дар бораи рӯзҳои ид» низ аз сӯи аъзои Маҷлиси миллӣ баррасӣ ва ҷонибдорӣ ёфт.
Тибқи он ҳамасола 20 март дар Тоҷикистон Рӯзи фарҳанг таҷлил мегардад.
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
ФАЗОИ ДИНӢ ВА ТАҲДИДУ ХАТАРҲОИ МУОСИР. Ҳамовозӣ ба мулоқоти Президенти Тоҷикистон бо фаъолон, намояндагони ҷомеа ва ходимони дин
БАЛАНД БАРДОШТАНИ МАЪРИФАТИ ЭКОЛОГИИ АҲОЛӢ– ТАҚОЗОИ ЗАМОН. Ҳамовозӣ ба Соли маърифати экологӣ эълон шудани соли 2024 дар шаҳри Душанбе
