Ш. Зуҳуров: «Дар иқтисодиёти Тоҷикистон Чин сармоягузори бузург аст»

Май 15, 2017 15:43

ДУШАНБЕ,15.05.2017 /АМИТ «Ховар»/. Вазъ ва дурнамои муносиботи бисёрҷонибаи Тоҷикистону Чин дар мулоқоти  Раиси Маҷлиси намояндагони Маҷлиси Олии Ҷумҳурии Тоҷикистон  Шукурҷон Зуҳуров бо Раиси комиссия оид ба корҳои хориҷии кумитаи умумичинии Шӯрои халқии сиёсӣ ва машваратии Ҷумҳурии Мардумии Чин Пан Юнхе дар Душанбе баррасӣ гардид.

Шукурҷон Зуҳуров зикр  намуд, ки умед аст сафари ҳайати баландпояи чинӣ ба Тоҷикистон ба густариши ҳамкории гуногунсоҳа, хусусан тавсеаи равобити байнипарлумонии ҳар ду давлат мусоидат хоҳад кард.

Зикр шуд, ки байни парлумонҳои ҳар ду кишвар Гурӯҳи дӯстӣ  ва ҳамкории  Маҷлиси намояндагони Маҷлиси  Олии Ҷумҳурии  Тоҷикистон ва Маҷлиси Умумичинии намояндагони мардумии Ҷумҳурии Мардумии  Чин фаъолият дошта, сафарҳои раисони парлумонҳои  Тоҷикистону Чин ба кишварҳои ҳамдигар ба таҳкими равобити байнипарлумонии ду кишвари ҳамсоя нақши муассир мегузоранд.

Бо дахли ҳамкории иқтисодӣ Шукурҷон Зуҳуров афзуд, ки  дар миёни шарикони муҳими тиҷоратии  Тоҷикистон Ҷумҳурии Халқии  Чин дар мақоми аввал қарор дорад ва дар заминаи ҷалби сармоягузории соҳаи саноат дар иқтисоди Тоҷикистон сармоягузори бузург ба шумор меравад. Зикр шуд, ки  сармоягузорони чинӣ дар татбиқи лоиҳаҳои бузурги дорои аҳамияти стратегии Тоҷикистон, хусусан сохтмони нақбу пулҳо, роҳҳо, бахши энерегетика, кишоварзӣ  ва дигар иншооти муҳим иштироки фаъол доранд.

Дар мулоқот ҷонибҳо ҳамчунин изҳори боварӣ намуданд, ки тавассути муколамаҳои доимии сатҳи баланд робитаҳои дуҷонибаи Тоҷикистону Чин дар тамоми самтҳо беш аз пеш густариш меёбанд.

 

Май 15, 2017 15:43

Хабарҳои дигари ин бахш

Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид