Шамсиддин Орумбекзода: «Малика Собирова чун ситораи нотакрори рақси классикӣ ва балет дар қалби мухлисони ҳунар боқӣ мемонад»
ДУШАНБЕ, 22.05.2017. /АМИТ Ховар/. 21 майи соли равон дар Театри давлатии академии опера ва балети ба номи С.Айнӣ бахшида ба зодрӯзи Ҳунарпешаи халқии СССР ва Тоҷикистон Малика Сорбирова гала-консерт баргузор гардид.
Тавре аз Маркази матбуоти Вазорати фарҳанги Ҷумҳурии Тоҷикистон хабар доданд, дар барномаи фарҳангӣ филми мустанади филмбардори маъруфи тоҷик Заур Дахте оид ба ҳаёт ва фаолияти Малика Собирова намоиш дода шуд.
Вазири фарҳанги Ҷумҳурии Тоҷикистон Шамсиддин Орумбекзода аҳли толорро, ки ба хотири санъати асили Ҳунарманди халқии СССР, дорандаи Ҷоизаи давлатии Тоҷикистон ба номи Абўабдулло Рўдакӣ Малика Собирова ҷамъ омада буданд, хайрамақдам гуфт. Мавсуф зикр кард, ки шахсияти комил ва ҳунарпешаи тавоное чун Малика Собирова воқеан ситораи нотакрори балет аст, ки ҷовидон дар қалбҳои мухлисони санъати волои рақс ва балети классикӣ боқӣ мемонад.
Барномаи консертиро ҳунарпешагони хизматнишондодаи Қазоқистон аз Театри давлатии опера ва балети «Астана — Опера» оғоз карданд. Онҳо порчаеро аз балети А. Адан «Большое Pas de deux Жизели и Альберта» дар хореографияи Ж. Перро, Ж. Коралли ва М. Петипа манзури тамошобинон намуданд. Қобили зикр аст, ки моҳи октябри соли 1961 ин рақс нахустнамоиши Малика Собирова дар саҳнаи Театри давлатии академии опера ва балети ба номи С. Айнӣ гардида буд.
Солистони балет аз Театри «Кремлевский балет» (Россия), Театри калони давлатии академии Россия, Театри миллии академии опера ва балети Қирғизистон ба номи А. Малдибоев ва Театри давлатии академии опера ва балети ба номи С. Айнӣ спектаклҳои гуногунро аз асарҳои бастакорони ҷаҳонӣ ва ватанӣ рўи саҳна оварданд.
Дар фарҷоми гала-консерт порчае аз филми «Рубоиёти Хайём» дар иҷрои Малика Собирова намоиш дода шуд.
Гала-консерт аз ҷониби санъатшиносон ва тамошобинон хеле хуш истиқбол гардид.
ИЛМ АЗ ДИДГОҲИ ОЛИМОНИ ҶАВОН. Дар ин мавзуъ конференсияи илмӣ-амалӣ баргузор гардид
«ДУРАХШИ АХТАРОН: ҶОМӢ ВА НАВОӢ». Протокол оид ба таҳияи филми ҳунарии муштараки Тоҷикистону Узбекистон ба тасвиб расид
Рӯзҳои синамои Узбекистон дар Тоҷикистон бо намоиши филми ҳунарии «Зинда бод, ҳамсар!» ҷамъбаст гардид
«САД РАНГИ ЧАКАН». Дар Душанбе ин фестивали ҷумҳуриявӣ ҷамъбаст гардид
Роҳбарзанони Узбекистон бо табиати зебои шаҳри Норак шинос шуданд
Дар Душанбе ҳамкории илмии Академияи миллии илмҳои Тоҷикистон ва Донишгоҳи Акитаи Ҷопон баррасӣ шуд
Дар Донишгоҳи техникии Тоҷикистон даври аввали Озмуни ҷумҳуриявии «Илм-фурӯғи маърифат» баргузор шуд
Донишкадаи давлатии фарҳанг ва санъати Тоҷикистон бо 4 муассисаи таҳсилоти олии Узбекистон ҳамкорӣ мекунад
«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад
Дар Душанбе конференсияи ҷумҳуриявӣ оид ба ҳифзи ёдгориҳои таърихию фарҳангӣ доир гардид
Дар Душанбе бо иштироки олимону зиёиёни Тоҷикистон ва Узбекистон конференсияи байналмилалӣ баргузор шуд
Дар доираи Ҳафтаи илм оид ба мероси уран дар Осиёи Марказӣ конфронси байналмилалӣ баргузор гардид
