Шоми имрӯз ҷавонон «Шашмақом» месароянд
ДУШАНБЕ, 09.05.2017 /АМИТ «Ховар»/. Имрӯз соати 16:00 дар Филармонияи давлатии Тоҷикистон ба номи Акашариф Ҷӯраев барномаи консертии Ансамбли «Шашмақом»-и Филармонияи давлатии Тоҷикистон баргузор мегардад.
Барномаи мазкур ба Рӯзи Шашмақом ва Соли ҷавонон бахшида шуда, дар он бештар ҳунарнамоии ҳунарпешаҳои ҷавони ансамбли мазкур суруд хоҳанд хонд.
Барномаи консертӣ, ки бо роҳбарии Ҳунарманди халқии Тоҷикистон Абдувалӣ Абдурашидов ва Ҳунарпешаи шоистаи Тоҷикистон Хурсандмурод Зарипов таҳия шудааст, аксаран аз суруду оҳангҳои нави Ансамбли Шашмақоми Филармонияи давлатии Тоҷикистон иборат мебошад.