Сохтмони майдончаи варзишию солимгардонӣ дар ноҳияи Синои шаҳри Душанбе дар арафаи анҷомёбӣ қарор дорад

Май 3, 2017 17:06

Хабарҳои мавзӯъ

DSC_0344+

ДУШАНБЕ, 03.05.2017. /АМИТ Ховар/. Дар асоси дастуру супоришҳои Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мулоқот бо фаъолони пойтахт, ки 15 феврали соли 2017 доир гардида буд, дар маҳаллаҳои шаҳри Душанбе ҷараёни корҳои навсозӣ ва ободонии боғҳои фарҳангӣ-фароғатӣ, майдонҳои варзишию солимгардонӣ барои бозии кӯдакону наврасон вусъат меёбанд.
Тавре аз Раёсати иттилоот ва равобити хориҷии дастгоҳи Раиси шаҳри Душанбе хабар доданд, бо ибтикори Мақомоти иҷроияи ҳокимияти давлатии шаҳри Душанбе дар ҳамкорӣ бо дигар вазорату идораҳо ва соҳибкорони ватанӣ то охири соли равон дар қаламрави пойтахт иловатан 78 адад майдончаҳои муосири варзишию солимгардонӣ мавриди баҳрабардорӣ қарор дода мешаванд.
Айни замон дар иншооти мазкур корҳои сохтмонӣ бо ҷалби кормандони соҳибтаҷрибаи бахши сохтмон ва меъморӣ идома доранд.

Аз ҷумла, дар майдончаи варзишию солимгардонии кӯчаи Муродулло Шерализода, шаҳраки №11-и ноҳияи Синои шаҳри Душанбе 70% -и корҳои бунёдӣ ба итмом расонида шудаанд.
Иншооти мазкур аз ҷониби Палатаи ҳисоби Ҷумҳурии Тоҷикистон дар назди биноҳои истиқоматии 14 ва 16-и маҳаллаи мазкур бунёд гардида, лоиҳаи онро кормандони КВД «Пажӯҳишгоҳи илмӣ-тадқиқотӣ ва лоиҳакашии «Душанбешаҳрсоз» тарҳрезӣ намудаанд, ки дар асоси он корҳои сохтмонӣ бовусъат идома доранд.
Ин иншоот аз майдончаҳои гуногун барои бозиҳои футболи хурд, волейбол, баскетбол ва майдони солимгардонӣ барои кӯдакону наврасон иборат аст. Ҳамчунин мувофиқи лоиҳа бунёди 60 ҷойи нишаст дар атрофи мавзеъҳои истироҳатӣ ва 60 ҷойи дигар дар майдончаи варзишӣ пешбинӣ шудааст.
Масоҳати умумии майдончаи варзишию солимгардонӣ 3675 метри мураббаъро ташкил дода, атрофи он пурра сабзкорӣ гардидааст.
Дар майдончаи мазкур шинонидани дарахтони сояафкану ҳамешасабз ва гулҳои ороишӣ оғоз гардида, дар ин қисмат насбу васли хатҳои обёрӣ пурра ба анҷом расидааст.
Сохтмончиён талош доранд дар кӯтоҳтарин муҳлат корҳои сохтмониро ба анҷом расонида, майдончаро ба истифода диҳанд.

Рухсораи НУР

Май 3, 2017 17:06

Хабарҳои дигари ин бахш

рузи хифзи кудакон«Мо ғунчаҳои баҳори Ваҳдатем» — барномаи идона бахшида ба Рӯзи байналмилалии ҳифзи кӯдакон дар шаҳри Душанбе
Рустами Эмомали -97Дар Душанбе амалиёти «Кӯкнор-2017» роҳандозӣ мегардад
20170525_094532Масъулини шаҳри Душанбе: «Барои бо нархи дастрас таъмин намудани сокинони шаҳр бо маҳсулоти мавриди ниёзи аввал дар моҳи шарифи Рамазон шароит фароҳам оварда шудааст»
ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
DSC_0210+Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд