Сокинони бародаршаҳри Боулдер ба душанбегиҳо беш аз 1300 нусха адабиёти илмиву бадеӣ тақдим намуданд

Май 19, 2017 12:05

Хабарҳои мавзӯъ

DSC_0210+

ДУШАНБЕ, 19.05.2017. /АМИТ Ховар/. Имрӯз  дар Муассисаи давлатии «Душанбе-Плаза»-и шаҳри Душанбе бахшида ба Рӯзи ҷавонони Тоҷикистон маросими тақдими адабиёти илмӣ-бадеӣ аз ҷониби шаҳри Боулдери аёлати Колорадои Иёлоти Муттаҳидаи Амрико ба хонандагони муассисаҳои таҳсилоти миёнаи умумии  шаҳри Душанбе доир гардид.

Дар маросим Сафири Иёлоти Муттаҳидаи Амрико дар Ҷумҳурии Тоҷикистон хонум Элизабет Миллард   иштирокдорони ҷамъомадро бо Рӯзи ҷавонони Тоҷикистон табрик намуда, аз он изҳори хушнудӣ намуд, ки наврасону ҷавонони  ин кишвар ба хонишу китоб  майлу рағбати зиёд доранд ва  дар  ин рӯз тақдими  китобро  ба онҳо  беҳтарин ҳадя шуморид.

Номбурда ҳамчунин бо забони тоҷикӣ  ин дубайтии шоири адабиёти классикии  тоҷику форс  Абдураҳмони Ҷомиро қироат намуд:

Аниси кунҷи танҳоӣ китоб аст,

Фурӯғи субҳи доноӣ китоб аст…

Хонум Элизабет Миллард   зикр  кард, ки ин байт бори дигар шаҳодати он аст, ки  мардуми тоҷик аз  қадим китобхону китобдӯст будаанд, аз ин рӯ ӯ ба ин мардум эҳтироми хосса дорад.

Элизабет Миллард ҳамчунин бо забони тоҷикӣ  ин  байти Ҳофизи Шерозӣ:

Дарахти дӯстӣ биншон, ки коми дил ба бор орад,

Ниҳоли душманӣ баркан, ки ранҷи бешумор орад,

ро  ёдовар шуда,  зикр кард, ки   дар зарфи 25 соли ҳамкорӣ байни   ИМА ва Ҷумҳурии Тоҷикистон   муносибатҳои  мутақобилаи судманд дар соҳаҳои тиҷоратию иқтисодӣ, илмию фаннӣ ва фарҳангӣ  тавсеа ёфтаанд.

DSC_0348+

Сипас  Элизабет Миллард   номаи бошандагони шаҳри Боулдерро ба  муовини якуми Раиси шаҳри Душанбе Маҳмадсаид Зувайдзода тақдим намуд, ки дар он, аз ҷумла, омадааст: «Хонандагону донишҷӯён, намояндагони Маркази дӯстӣ ва  Чойхонаи миллии тоҷикӣ  дар шаҳри Боулдер   ба наврасону ҷавонони шаҳри Душанбе  пайғому дуруди бепоёни худро  расонида, ҳамчун рамзи дӯстӣ ин китобҳоро ба Шумо   ҳадя менамоянд».

Муовини якуми Раиси шаҳри Душанбе Маҳмадсаид Зувайдзода ба  Сафири Иёлоти Муттаҳидаи Амрико дар Ҷумҳурии Тоҷикистон хонум Элизабет Миллард   аз номи Раиси шаҳри Душанбе Рустами Эмомалӣ изҳори миннатдорӣ намуда, зикр кард, ки муносибатҳои бародаршаҳрӣ миёни Душанбе ва шаҳри Боулдери аёлати Колорадои  Амрико ҳанӯз солҳои 80-уми қарни гузашта ба роҳ монда шуда,   8 майи соли 1987  миёни  онҳо Созишнома ва паймони бародаршаҳрӣ   баста шудааст.  Инчунин 10 октябри соли 1988  Протокол дар бораи ҳамкории байни шаҳрҳои Душанбе ва Боулдер барои солҳои 1989-1990 ба тасвиб расида буд, ки дар асоси он ҳамкории мутақобилан судманд дар соҳаҳои тиҷоратию иқтисодӣ, илмию фаннӣ ва фарҳангӣ ба роҳ монда шуданд.

Дар доираи ин санадҳо шаҳрдории Душанбе дар шаҳри Боулдер Чойхонаи миллии тоҷикӣ ва   шаҳрдории Боулдер дар Душанбе «Маркази Дӯстӣ — Интернет-кафе»-ро бунёд карданд.

Муносибатҳои байни Душанбе ва Боулдер дар замони соҳибистиқлолии кишварамон самту уфуқҳои навро касб намуданд. Маросими имрӯзаро намунаи барҷастаи ҳамкорӣ ва дӯстии дуҷониба метавон  маънидод сохт. Сокинони бародаршаҳри Боулдер барои душанбегиҳо беш аз як 1300  нусха  адабиёти илмиву бадеӣ тақдим намуданд.

Абдумаҷид Ҳакимзода, сардори Раёсати иттилоот ва робитаҳои хориҷии дастгоҳи Раиси шаҳри Душанбе зикр намуд, ки  қарор дода шуд адабиёти  зикршуда ба Корхонаи воҳиди давлатии «Маркази «Дўстӣ»- Интернет- кафе» ва муассисаҳои таҳсилоти миёнаи умумии № 50, 59, 92, 94 (ноҳияи Сино), № 15 ва 55 (ноҳияи Шоҳмансур), № 6 ва 13 (ноҳияи Исмоили Сомонӣ) ва №72 ва 78 (ноҳияи Фирдавсӣ)  тақдим карда шаванд.

                                                                                                      Рухсораи НУР

 

Май 19, 2017 12:05

Хабарҳои дигари ин бахш

ДастгохМақомоти иҷроияи ҳокимияти давлатии шаҳри Душанбе шаҳрвандонро ба озмуни кушод даъват менамояд
Чавонон--- (1)Рӯзи ҷавонони Тоҷикистон бо ҳамоиши «Мо насли истиқлолем!» оғоз мегардад
Рынок Душанбе-2Дар моҳи Рамазон бозорҳои шаҳри Душанбе бо молу маҳсулоти арзон ғанӣ гардонида мешаванд
DSC_0159---Бахшида ба Рӯзи ҷавонони Тоҷикистон дар пойтахт шоу-барнома ва ҳамоиши «Мо насли истиқлолем!» доир мегарданд
Аспдавони ДушанбеДар Душанбе бахшида ба Рӯзи ҷавонон мусобиқаи кушоди пойгаи аспдавонӣ баргузор мегардад
DSC_0759+Азизулло Зиёзода: «Тозагиву ободии пойтахт аз озодагии кӯчаву маҳалли зисти ҳар яки мо сар мешавад»
DSC_0716+«Ҳафтаи технология, инноватсия ва ихтироъкории наврасону ҷавонони шаҳри Душанбе» истеъдодҳоро ҷустуҷӯ дорад
ДастгохДушанбе: масъулин сокинони пойтахтро ба камхарҷ гузаронидани ҷашну маросимҳо даъват менамоянд
Хафтаи Технология ИновациЯ (4)Ҳафтаи технология, инноватсия ва ихтироъкории наврасону ҷавонони шаҳри Душанбе оғоз гардид
Абдумачид УсмонзодаАбдумаҷид Ҳакимзода: Нақшаи генералии шаҳри Душанбе тасдиқ гардид, ки тибқи он масоҳати пойтахт тайи солҳои оянда дар чаҳор самт ҳазорҳо гектар васеъ мешавад
Рустами Эмомали -97Мусобиқаҳои варзишии «Веломарафон», «Дави миллӣ» ва «Ҳафтаи технология, инноватсия ва ихтироъкории наврасону ҷавонон» бахшида ба Соли ҷавонон
ДастгохИнтиқоли оби нӯшокӣ дар кӯчаҳои А. Деҳлавӣ ва С. Носиров муваққатан қатъ мегардад