Тақдими кумакпулии якдафъаина ба иштирокчиён ва маъюбони Ҷанги дуюми ҷаҳонӣ

Май 5, 2017 10:32

ДУШАНБЕ, 05.05.2017 /АМИТ «Ховар»/. Дар асоси Амри Президенти Ҷумҳурии Тоҷикистон, таҳти №АП-867 аз 25.04.2017, 4 май гурӯҳи корӣ бо сарварии сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Тоҳир Каримзода, сардори Раёсати Хадамоти муҳоҷират дар вилояти Суғд Зайнура Шарифӣ ва намояндагони мақомоти иҷроияи ҳокимияти давлатӣ дар шаҳри Хуҷанд, ноҳияҳои Бобоҷон Ғафуров ва Мастчоҳ як гурӯҳ иштирокчиёну маъюбони ин ҷангро аёдат намуда, ба онҳо кумакпулии якдафъаина ва кумаки моддӣ супориданд.
Тавре ки аз Хадамоти муҳоҷират хабар доданд, гурӯҳи корӣ дар Мақомоти иҷроияи ҳокимияти давлатии шаҳри Хуҷанд бо шаш нафар иштирокчиёну маъюбони Ҷанги дуюми ҷаҳонӣ вохӯрд. Намояндагон аз номи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон собиқадорони ҷангро бо Рӯзи Ғалаба самимона табрик гуфта, ба онҳо се ҳазор сомонӣ кумакпулӣ супориданд.
Ҳамчунин сардори Раёсати Хадамоти муҳоҷират дар вилояти Суғд Зайнура Шарифӣ ба ҳар кадоми онҳо 1500 сомонӣ кумакпулии якдафъаинаи Раиси вилояти Суғд ва 1200 сомонӣ кумакпулии раиси шаҳри Хуҷандро супорид.
Бояд гуфт, ки алҳол дар шаҳри Хуҷанд 11 ва дар ноҳияи Бобоҷон Ғафуров 12 нафар иштирокчиёну маъюбони ҶДҶ зиндагӣ доранд.
Аз ҷумла, 7 нафар иштирокчиёну маъюбони ҶДҶ-и ноҳияи Мастчоҳро гурӯҳи корӣ дар мақомоти иҷроияи ҳокимияти давлатии ноҳия аёдат намуд. Шаш нафари дигар аз сабаби беморӣ дар хонаҳояшон аёдат карда шуданд. Зимни аёдат муовини раиси ноҳия, раиси Шӯрои собиқадорони ҷангу меҳнат ва мудири бахши ҳифзи иҷтимоии ноҳия гурӯҳи кориро ҳамроҳӣ намуданд.
Аз рӯи нақша имрӯз, 5 май иштирокчиёну маъюбони ҶДҶ дар ноҳияи Ашт аёдат мешаванд.

Май 5, 2017 10:32

Хабарҳои дигари ин бахш

Фестивали чоруми дӯстии ҷавонони шаҳри Душанбе баргузор гардид
«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад