Вохӯрии вазирони корҳои хориҷии Тоҷикистон ва Япония дар Ашқобод

Май 2, 2017 09:47

Хабарҳои мавзӯъ

Вохӯрии вазирони корҳои хориҷии Тоҷикистон ва Япония

ДУШАНБЕ, 02.05.2017 /АМИТ «Ховар»/. Дар шаҳри Ашқобод дар ҳошияи ҷаласаи 6-уми вазирони корҳои хориҷии кишварҳои иштироккунандаи Муколамаи «Осиёи Марказӣ +Япония» 1 май вохӯрии Вазири корҳои хориҷии Ҷумҳурии Тоҷикистон Сироҷидин Аслов бо Вазири корҳои хориҷии Япония Фумио Кисида баргузор шуд. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Зимни мулоқот ҷонибҳо масъалаҳои мубрами густариши муносибатҳои Тоҷикистон ва Японияро дар партави татбиқи тавофуқҳое, ки дар натиҷаи сафари Сарвазири Япония Шиндзо Абэ ба Ҷумҳурии Тоҷикистон дар моҳи октябри соли 2015 ҳосил шуданд, баррасӣ карданд. С.Аслов и Ф.Кисида алоқамандии мутақобилро ҷиҳати таҳкиму тавсеаи ҳамкории амалии ду кишвар дар соҳаҳои тиҷоратию иқтисодӣ, сармоягузорӣ, нақлиётӣ, саноатӣ, энергетикӣ ва фарҳангию башарӣ баён намуданд. Дар замина бар аҳамияти нақши Комиссияи байниҳукуматӣ оид ба ҳамкории иқтисодӣ, техникӣ ва илмӣ, ки ҷаласаи нахустини он 14 апрели соли равон дар Токио баргузор шуд, таъкид гардид.
Ҷонибҳо фаъолияти намояндагии Агентии ҳамкории байналмилалии Японияро дар самти густариши ҳамкории Тоҷикистон ва Япония баланд арзёбӣ карданд ва саҳми назарраси ин Агентиро дар татбиқи лоиҳаҳое, ки ҷиҳати расидан ба Ҳадафҳои рушди устувор ва тақвияти иқтидори иқтисодӣ, нақлиётӣ, энергетикӣ ва сармоягузории Тоҷикистон равона шудаанд, таъкид карданд.
С. Аслов ва Ф.Кисида бо изҳори қаноатмандӣ аз натиҷаи талошҳои муштарак дар ҳошияи Муколамаи «Осиёи Марказӣ +Япония» иқдомҳои минбаъдаро барои тақвияти ҳамкории минтақавӣ ва байниминтақавӣ дар давоми раёсати Тоҷикистон дар Муколамаи мазкур дар солҳои 2017-2018 таъйин намуданд.
Атрофи ҳамкории Тоҷикистон ва Япония дар ҳошияи созмонҳои байналмилалӣ ва дигар масъалаҳои мавриди эҳтимоми муштарак табодули назари судманд сурат гирифт.

Май 2, 2017 09:47

Хабарҳои дигари ин бахш

МИД (1)Сироҷидин Аслов ва Шайх Абдулло бин Зойид Оли Наҳён масоили тавсеаи ҳамкории Тоҷикистон ва Аморотро баррасӣ карданд
DSC02711Дар Котиботи Созмони ҳамкории Шанхай дар шаҳри Пекин Стратегияи миллии рушд барои давраи то соли 2030 муаррифӣ гардид
Машваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои АвстралияМашваратҳои сиёсӣ байни Вазорати корҳои хориҷии Ҷумҳурии Тоҷикистон ва Вазорати корҳои хориҷӣ ва савдои Австралия
Баррасии ҳамкориҳои Тоҷикистону Ҷумҳурии СловакияБаррасии ҳамкории Тоҷикистону Словакия дар Брюссел
Jean Asselborn avec le ministre des Affaires étrangères de la République du Tadjikistan, Sirodjidin AslovМулоқоти вазирони корҳои хориҷии Тоҷикистон ва Люксембург
Вохӯрӣ бо Ноиби президенти Бонки сармоягузории АврупоС.Аслов ва В. Худак ҳамкории самараноки Тоҷикистон бо Бонки сармоягузории Аврупоро баррасӣ карданд
Мулоқоти С.Аслов бо Дабири кулли Хадамоти аврупоии амалиёти хориҷии Иттиҳоди АврупоМулоқоти С.Аслов бо Дабири кулли Хадамоти аврупоии амалиёти хориҷии Иттиҳоди Аврупо
IMG_0184Баррасии масъалаҳои мубрами ҳамкории Тоҷикистон бо Паймони Неру дар Брюссел
зардолу_2Намояндаи доимии Тоҷикистон дар СММ дар Конфронс бахшида ба Идораи масоили бехатарӣ дар Осиёи Марказӣ сухан гуфт
Мулоқоти Вазири корҳои хориҷии Тоҷикистон бо Вазири корҳои хориҷии Шоҳигарии БелгияМулоқоти Вазири корҳои хориҷии Тоҷикистон бо Вазири корҳои хориҷии Шоҳигарии Белгия
IMG_0015Шӯрои ҳамкорӣ миёни Ҷумҳурии Тоҷикистон ва Иттиҳоди Аврупо
18452739_1296752180402493_259540465_oМулоқоти вазирони корҳои хориҷии Тоҷикистону Қатар дар Давҳа