Конференсияи илмӣ-адабӣ дар Вазорати фарҳанг: дар мавзӯи Ваҳдат зиёда аз 5000 маводи чопӣ ва электронӣ интишор гардидаанд

Июнь 23, 2017 09:44

ДУШАНБЕ, 23.06.2017 /АМИТ «Ховар»/. Дар Вазорати фарҳанги Ҷумҳурии Тоҷикистон 22 июни соли 2017 конференсияи  илмӣ-адабӣ ва маҷлиси тантанавӣ ба ифтихори 20 –солагии Рӯзи Ваҳдати миллӣ баргузор гардид.

Тавре аз Маркази матбуоти ин вазорат хабар доданд,  конференсияро  Вазири фарҳанги Ҷумҳурии Тоҷикистон   Шамсиддин Орумбекзода   ифтитоҳ намуда,  ҳозиринро бо ҷашни 20-солагии Ваҳдати миллӣ  табрик намуд.

Сипас, директори Муассисаи давлатии «Пажӯҳишгоҳи илмӣ – тадқиқотии фарҳанг ва иттилоот» Шарифҷон Комилзода дар мавзӯи «Ваҳдати миллӣ – дастоварди бузурги даврони соҳибистиқлолӣ» маърӯза намуд. Номбурда зикр кард, ки тӯли 20 сол дар мавзӯи Ваҳдат ва ваҳдатшиносӣ аз ҷониби коршиносони ватанӣ ва хориҷӣ зиёда аз 5000 маводи чопӣ ва электронӣ интишор гардидаанд.

«Имрӯз таҷрибаи беназири сулҳофарии тоҷикон мавриди омӯзиши муҳаққиқони зиёди ҷаҳонӣ қарор гирифтааст» — иброз дошт Шарифҷон Комилзода.

Директори Корхонаи воҳиди давлатии таъминот ва савдои «Китоб» Сироҷиддин Ибронов дар мавзӯи «Корвони китоб дар ҳошияи Ваҳдати  миллӣ» маърӯза намуда, зикр кард, ки дар тӯли 12 соли охир дар доираи барномаҳои давлатӣ ва ҷалби дигар манбаъҳо тавассути Корвони «Китоб» китобхонаҳои кишвар бо 315 655 нусха маводи чопӣ мукаммал гардонида шудаанд. Ин иқдом дар ҳошияи нуктаи пандомези Пешвои миллат  муҳтарам   Эмомалӣ Раҳмон:«Миллати мо аз қадим китобдору китобхон буд  ва мо бояд ин анъанаро ҳифз намуда, идома диҳем», тарҳрезӣ шудааст.

Сардори Раёсати табъу нашр ва матбуоти Вазорати фарҳанг шоир Давлат Сафар ва муовини роҳбари муассисаи нашриявии «Ирфон» Ҳабиб Сулаймонӣ дар васфи Ваҳдати миллӣ ва Пешвои миллат пораҳои шеърӣ қироат намуда, табъи сомеонро хуш гардониданд.

 

Июнь 23, 2017 09:44

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд