Қадршиносӣ аз Парчами давлатӣ ифтихор аз давлат ва миллати хеш аст

Ноябрь 23, 2017 16:37

ДУШАНБЕ, 23.11.2017 /АМИТ «Ховар»/. Қадршиносӣ аз Парчами давлатӣ арҷгузориву ифтихор аз давлат ва миллати хеш аст. Қабули Парчами давлатӣ ҳамчун муқаддасоти миллӣ аз ҷумлаи нахустин тасмимҳое буд, ки дар ташаккул ва бунёди давлати мустақили тоҷикон нақши ниҳоят муҳим дорад. Ин матлабро  Фирӯз Қодиров, муовини ректор оид ба илми Донишкадаи молия ва иқтисоди Тоҷикистон  бахшида ба Рӯзи Парчами давлатӣ, ки 22 ноябр дар донишкада зимни ҷамъомади тантанавӣ доир гашт, баён дошт.

«Хушбахтона, Парчами давлатии Ҷумҳурии Тоҷикистонро имрӯзҳо дар тамоми ҷаҳон мешиносанд ва пайравони ин миллату давлат – ҷавонон низ дар парафшонии Парчами давлатии кишвар дар арсаи байналмилалӣ саҳмгузоранд. Аҳли коллективи меҳнатии донишкада  ва толибилмон дар таҷлили Рӯзи Парчами давлатӣ ва бузургдошти ин муқаддасоти миллӣ фаъолона иштирок мекунанд, ки он яке аз омилҳои муҳими худшиносӣ маҳсуб меёбад»,- гуфт Фирӯз Қодиров.

Дар ҷамъомад зикр гардид, ки парчам аз замонҳои қадим яке аз рамзҳои асосии давлатдории тоҷикон ба шумор меравад. Тавре аз саҳифаҳои таърихи ғановатманди халқамон бармеояд, яке аз парчамдорони нахустини халқи мо — Коваи оҳангар будааст. Имрӯз  Парчами давлатии Ҷумҳурии Тоҷикистон чун рамзи ин кишвари соҳибистиқлол дар Тоҷикистон ва бисёр давлатҳои олам парафшон буда, аз мавҷудияти давлати соҳибистиқлол, демократӣ, дунявӣ ва озоду ягона дарак медиҳад. Дар парчами кишварамон таҷассуми ватандӯстиву ватанпарастӣ, шуҷоату далерӣ, дӯстиву рафоқат, сулҳу ваҳдат, ғурури ватандорӣ ва ҳимояти марзу бум мавқеи барҷаста дорад. Таҳти ҳамин парчам халқи тоҷик пайваста корҳои созандагӣ мекунад ва дар бунёди давлати ҳуқуқбунёд ба комёбиҳо мушарраф мегардад.

Ноябрь 23, 2017 16:37

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад