АЛОИМИ ГИЙЕН-БАРРЕ – ИН ЧӢ БЕМОРИСТ? Дар Маҷмааи тандурустии “Истиқлол” оид ба бемориҳои вайроншавии гардиши хун дар майнаи сар ҳамоиш баргузор гардид

Ноябрь 17, 2017 09:59

ДУШАНБЕ, 17.11.2017./АМИТ «Ховар»/. Бо мақсади вусъат додани фаъолият дар самти ташхиси мукаммал ва табобати босамари бемориҳои асаб Маҷмааи тандурустии “Истиқлол”-и шаҳри Душанбе ҳамоиш доир гардид. Дар ин бора ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд.
Тавре гуфта мешавад, дар ҳамоиш масъалаҳои вобаста ба бемории “Вайроншавии гардиши хун дар майнаи сар” ва бемории “Алоими Гийен-Барре” мавриди баррасии донишмандону мутахассисон ва коршиносони соҳа қарор гирифтанд.
Дар ҳамоиш намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Академияи илмҳои Федератсияи Россия, муассисаҳои тиббии Ҷумҳурии Молдова ва табибони асабшиноси шаҳру ноҳияҳои Тоҷикистон ширкат намуданд.
Мавриди зикр аст, ки ҳамоиши мазкур мазкур дар доираи амалишавии “Стратегияи миллии солимии аҳолии Ҷумҳурии Тоҷикистон барои солҳои 2010-2020” сурат гирифт ва дар он вобаста ба мавзӯоти “Стратегияи муосири муолиҷаи беморон, норасоии шадид ва музмини гардиши хун дар мағзи сар”, “ Сактаи майнаи сар — дарди рӯз” ва дигар масъалаҳои дахлдор маърӯзаҳо шунида, перомуни онҳо изҳори назар карда шуд.
Дар чорабинӣ ҳамзамон зикр гардид, ки Алоими Гийен-Барре яке аз бемориҳои вазнини системаи асаби атрофӣ ба ҳисоб меравад, ки дар сеяки ҳолатҳо чораҳои комплексии табобати интенсивӣ, инчунин дастгоҳи нафаси сунъиро тақозо менамояд. Алоими Гийен-Барре аксар вақт сабаби фалаҷу нимфалаҷҳои атрофӣ мешавад. Назари махсуси асабшиносон нисбати Алоими Гийен-Барре дар давоми даҳсолаи охир тасодуфӣ нест. Ин беморӣ яке аз чандин ва шояд ягона дар байни бемориҳои вазнини системаи асаб мебошад, ки ҳангоми табобати саривақтӣ ва тафриқашуда барқарорсозии пурраи беморон мушоҳида мешавад.
Дар ҷамъомад ҳамзамон тағироти назарраси табиати Алоими Гийен-Барре, хусусиятҳои зоҳиршавӣ ва паҳншавии он, сабабҳои пайдоиш, роҳҳои табобат, ташхиси тафриқавӣ ва дигар масъалаҳои вобаста ба ин намуди беморӣ мавридӣ таҳлилу баррасӣ ва муҳокима қарор гирифтанд.

Ноябрь 17, 2017 09:59

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт