ТОҶИКИСТОН ДАР РАДДАБАНДИИ БОНКИ ҶАҲОНӢ ПАНҶ ЗИНА БОЛО РАФТ
ДУШАНБЕ, 27.12.2017./АМИТ «Ховар»/. Тоҷикистон дар раддабандии (рейтинги) кишварҳои дар пешбурди тиҷорат муваффақ, ки аз ҷониби маҷаллаи амрикоии «Forbes» омода шудааст, миёни 153 кишвари ҷаҳон зинаи 108-умро ишғол намуд. Рейтинг 21 декабр дар сомонаи маҷаллаи мазкур нашр гардид.
Зикр мешавад, ки соли гузашта Маҷмӯи маҳсулоти дохилӣ (ММД)-и Тоҷикистон 6,9% афзуда, шумораи аҳолии мамлакат 8,5 млн нафар ва ММД ба ҳар сари аҳолӣ 800 доллари ИМА-ро ташкил дод.
Миёни кишварҳои Осиёи Марказӣ Қазоқистон зинаи 65-ро касб кардааст. Ӯзбекистон бошад, дар ҷойи 99-ум ва Қирғизистон дар ҷойи 123-юм қарор доранд. Туркманистон дар ин рейтинг зикр нашудааст.
Британияи Кабир, Зеландияи Нав ва Нидерланд давлатҳои беҳтарин барои пешбурди тиҷорат дониста шудаанд.
Зинаҳои охири рейтингро бошад, Гаити, Гамбия ва Чад ишғол мекунанд.
Дар рейтинги Forbes 153 кишвар аз рӯи 15 нишондиҳанда баҳогузорӣ мешаванд: ҳуқуқ ба моликият, сатҳи ҷорӣ намудани инноватсияҳо, сатҳи андозбандӣ, технология, сатҳи коррупсия, озодӣ (шахсӣ, тиҷоратӣ ва молиявӣ), расмиётчигӣ (бюрократизм) ва таъмини ҳимояи сармоягузорон.
Мавриди зикр аст, ки Тоҷикистон дар рейтинги оғози моҳи ноябр интишорнамудаи Бонки ҷаҳонӣ — Doing Business 2018 миёни 190 кишвари ҷаҳон зинаи 128-умро касб карда буд.
Дар гузориши Бонки ҷаҳонӣ зикр гардида буд, ки тайи солҳои охир дар Тоҷикистон дар самти сабук кардани расмиёти таъсиси корхонаҳо ва бақайдгирии моликият ислоҳот роҳандозӣ шудааст. Ин ислоҳот имкон дод, ки Тоҷикистон дар ин рейтинг 5 зина боло равад.
Муовини якуми Сарвазири Ҷумҳурии Тоҷикистон бо Президенти Идораи патентии Авруосиёӣ мулоқот намуд
Дар Вашингтон дурнамои ҳамкории Тоҷикистон бо Хазинаи Байналмилалии Асъор баррасӣ шуд
Минтақаҳои озоди иқтисодии Тоҷикистон соли 2023 ба маблағи беш аз 445 миллион сомонӣ маҳсулот истеҳсол намуданд
Дар Тоҷикистон зиёда аз 8 ҳазор ихтирооти давлатҳои гуногуни ҷаҳон ҳифз мешаванд
Раиси Бонки миллии Тоҷикистон бо намояндагони ширкатҳои «Moody’s Investors Service» ва «De La Rue» масъалаи ҳамкориро баррасӣ намуд
Дурнамои макроиқтисодӣ бо назардошти номуайяниҳо дар бозори молиявӣ дар форуми Вашингтон баррасӣ гардид
Имрӯз дар Душанбе Форуми байналмилалии ихтироъкорон ва навоварон баргузор мешавад
РОҲ БА УҚЁНУСИ ҲИНД. Дар Теҳрон ҳайатҳои Тоҷикистон ва Эрон оид ба истифодаи бандари «Чобаҳор» гуфтушунид анҷом доданд
Кишоварзони шаҳри Турсунзода зиёда аз 370 тонна маҳсулоти барвақтии гармхонаҳоро ба аҳолӣ пешниҳод намуданд
Пиетро Салини: «Дар Италия бисёр ширкатҳое ҳастанд, ки мехоҳанд бо Ҳукумати Тоҷикистон ҳамкорӣ намоянд»
Тоҷикистон ва Фаронса ҳамкории саноатиро тақвият медиҳанд
Соҳибкорони Тоҷикистон ва Италия ба маблағи зиёда аз 160 миллион доллари амрикоӣ санадҳои дуҷонибаи ҳамкорӣ ба имзо расониданд
