Минтақаҳои озоди иқтисодии мамлакат ба маблағи 368,3 млн сомонӣ маҳсулот истеҳсол намудаанд

Январь 22, 2018 17:07

ДУШАНБЕ, 22.01.2018 /АМИТ «Ховар»/. Соли 2017 минтақаҳои озоди иқтисодии мамлакат ба маблағи 368,3 млн. сомонӣ, аз ҷумла, «Суғд»-332,6 млн. сомонӣ, «Данғара»-35 млн. сомонӣ ва «Панҷ»-700 ҳазор сомонӣ маҳсулот истеҳсол намуданд. Ин рақамҳо имрӯз зимни нишасти матбуотӣ аз ҷониби муовини якуми Вазири рушди иқтисод ва савдои Ҷумҳурии Тоҷикистон Завқӣ Завқизода пешниҳод шуданд.

Тавре маълум гардид, дар ин давра ҳаҷми маҳсулоти истеҳсолнамудаи МОИ «Суғд» нисбат ба дигар минтақаҳо зиёд буда, аз МОИ «Панҷ»  хеле кам аст.

Завқӣ Завқизода бартариҳои минтақаи озоди иқтисодии «Суғд»-ро дар зиёд будани шумораи корхонаҳо, ҷойгиршавии минтақа, инфрасохтор ва доштани роҳи оҳани шарикони тиҷоратӣ, аз қабили Ӯзбекистон, Қазоқистон ва Россия арзёбӣ намуд. Зикр шуд, ки айни замон дар ин минтақа 24 корхона ҳамчун субъекти хоҷагидор, аз ҷумла, 7-то бо сармояи хориҷӣ ба қайд гирифта шудаанд.

Дар МОИ «Панҷ» 14  корхона, аз ҷумла, 5-тои он соли 2016-2017 ба қайд гирифта шуданд ва дар назар аст, ки нимаи якуми соли 2018  ба фаъолият оғоз намоянд.

Муовини якуми Вазири рушди иқтисод ва савдо гуфт, ки МОИ «Панҷ» аз минтақаҳои навтаъсиси озоди иқтисодии мамлакат ба ҳисоб рафта, дар айни ҳол дар он корҳои сохтмонӣ ва васлгарии таҷҳизот ҷараён доранд.

«Нақшаҳо барои васеъ кардани фаъолияти ин минтақаи озоди иқтисодӣ тарҳрезӣ шуда, ҳавасмандӣ аз ҷониби сармоягузорони ватаниву хориҷӣ пешниҳод гардидаанд», -гуфт Завқӣ Завқизода ва изҳори умед кард, ки МОИ «Панҷ» дар ояндаи наздик дар баробари таъмин кардани бозори истеъмолии мамлакат  имконият дорад, ки молу маҳсулоти худро ба ҳамсоядавлати Афғонистон содир намояд.

Бояд зикр намуд ки яке аз мақсадҳои таъсиси ин минтақа- таъмини шуғли аҳолии минтақа ва ҷумҳурӣ, ташкили ҷойҳои кории иловагӣ, баланд бардоштани сатҳи зиндагии аҳолии минтақа, афзоиши қобилияти харидорӣ, баланд бардоштани иқтидори бозори дохилӣ ва ҳалли вазифаҳои дигари иҷтимоию иқтисодии минтақа ба ҳисоб меравад. Дар сурати зиёд шудани шумораи субъектҳои хоҷагидор ва ба фаъолият пардохтани онҳо ҳам ҷойҳои корӣ зиёд мешаванду ҳам  ҳаҷми истеҳсоли маҳсулот меафзояд.

 

Январь 22, 2018 17:07

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт