Намояндаи Тоҷикистон дар Форуми Гайдар иштирок намуд

Январь 19, 2018 16:11

ДУШАНБЕ, 19.01.2018 /АМИТ «Ховар»/. Дар пойтахти Россия- шаҳри Москва ҳамоиши байналмилалии Гайдар дар мавзӯи  «Россия ва ҷаҳон: ҳадафҳо ва арзишҳо» доир гардид. Дар ҳамоиш аз Ҷумҳурии Тоҷикистон ректори Донишкадаи  идоракунии  давлатии назди Президенти Ҷумҳурии Тоҷикистон Лутфия Абулхолиқзода  иштирок  намуда, сухан гуфт.

Бояд тазаккур дод, ки Форум бо ибтикори Академияи хоҷагии халқ ва хизмати давлатии назди Президенти Федератсияи Россия доир гардид. Л.Абдулхолиқзода дар ҷаласаи Шӯрои ҷамъиятии  муассисаи заминавии  давлатҳои аъзои Иттиҳоди Давлатҳои Мустақил /ИДМ/ оид ба омодасозии  кадрҳо дар самти  идоракунии давлатӣ, ки дар   доираи Форум доир гардид, аз таҷрибаи Тоҷикистон гузориш дод.

Мавсуф пешниҳод намуд, ки масъалаҳои анҷоми тадқиқоти илмӣ, гузаронидани конфронсҳои муштараки илмӣ-амалӣ ва ташкили амалисозии барномаҳои магистрӣ ва омодасозии аспирантҳо дар доираи ҳамкорӣ ба роҳ монда шаванд.

Ҳамзамон Л. Абдухолиқзода  дар кори  ҷаласаҳои Форум иштирок намуда, доир ба масъалаҳои муҳими рушди бахши хизмати давлатӣ ва идораи давлатӣ дар Тоҷикистон  маълумот дод. Дар Форуми Гайдар Лутфия Абулхолиқзода зимни мулоқот бо роҳбарияти Академияи хоҷагии халқ ва хизмати давлатии назди Президенти Федератсияи Россия Владимир Мау  масъалаҳои марбут ба  таҳсили магистрантҳо ва аспирантҳои тоҷик, сифати тайёр намудани мутахассисони бахши хизмати давлатии муосир ва усулҳои навини омодакунии кадрҳои роҳбарикунандаи миллиро матраҳ намуд.

Январь 19, 2018 16:11

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд