Бунёди миллии иҷтимоии маблағгузории Тоҷикистон: «Мактабҳое, ки дар ҳолати садамавӣ қарор доранд, дар навбати аввал мавриди бозсозӣ қарор мегиранд»

Февраль 15, 2018 16:11

ДУШАНБЕ, 15.02.2018 /АМИТ «Ховар»/.  Бунёди миллии иҷтимоии маблағгузории Тоҷикистон (БМИМТ) дар 17 шаҳру ноҳияҳои ҷумҳурӣ барномаҳои худро амалӣ менамояд. Ин нуктаро имрӯз зимни нишасти матбуотӣ директори иҷроияи  БМИМТ  Шералӣ Сиддиқзода иброз дошт.

Ҳамчунин зикр шуд, ки мақсади барномаҳо беҳтар намудани шароити таҳсил дар муассисаҳои таҳсилоти ибтидоӣ ва миёнаи шаҳру ноҳияҳои ҷумҳурӣ мебошад, ки  ба он 14  шаҳру ноҳияҳои  вилояти Хатлон ва 3 ноҳияи минтақаи Рашт дохил мешаванд.

«Барои татбиқи ин барномаҳо дар шаҳру ноҳияҳои мазкур он мактабҳое   интихоб шудаанд, ки  дар вагонхонаҳо ҷойгиранд.  Муассисаҳое, ки дар хонаҳои шахсӣ ва биноҳои маъмурӣ фаъолият мекарданд ва мактабҳое, ки дар ҳолати садамавӣ қарор доранд, дар навбати аввал мавриди бозсозӣ қарор мегиранд»,- илова намуд Ш. Сиддиқзода.

Зикр гардид, ки то имрӯз аз 16 лоиҳае, ки дар вилояти Хатлон мавриди амал қарор доранд, 14 лоиҳа ба истифода дода шуда, дар минтақаи Рашт 12 лоиҳаи нақшавӣ пурра татбиқ шуданд.

Ёдовар мешавем, ки  БМИМТ барномаи «Сохтмони мактабҳо ва инфрасохтори мувофиқ дар гурӯҳи ноҳияҳои минтақаи Рашт»-ро  аз 1 апрели соли 2013 то 31 декабри соли 2017 татбиқ намуд ва  амалигардии  барномаи «Фондҳои ҷамоавӣ барои мусоидати рушди маълумоти асосӣ ва барқарорсозии  инфрасохтори коммуналӣ», ки  1 июни соли 2014 оғоз гардид, то 30 июни соли 2018 идома меёбад.

 

 

 

 

 

Февраль 15, 2018 16:11

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт