Дар шаҳри Турсунзода намоиши «Корвони ҳунар» баргузор гардид

Февраль 20, 2018 16:57

ТУРСУНЗОДА,  20.02.2018  /АМИТ  «Ховар»/. «Корвони  ҳунар»- чунин  ном  дошт  намоиши  ҳунарҳои  мардумии минтақаҳои  гуногуни  шаҳри  Турсунзода,  ки  дар  маркази шаҳр  бо шукӯҳу шаҳомати  хосса  доир  гардид.   Дар  намоиш, ки ба Соли  рушди  сайёҳӣ  ва  ҳунарҳои   мардумӣ бахшида шуда буд,  маҳсули  дастони  мӯъҷизаофари  ҳунармандони  гулдаст,  аз  қабили  гулдӯзиҳои  рангоранг,  болишту  кӯрпачаҳои  ҳунармандона дӯхташуда,  гилему  сабаду  гаҳвораву дигар асбоби  аз  чӯб  сохташуда  ва  маҳсулоти  кулолгарону   оҳангарону   наҷҷорон   манзури  тамошобинон  гардонида шуданд.

Ҳунари  кадбонуҳои  моҳир,  ки  аз  маҳсулоти  ордӣ  анвои  гуногуни  хӯрокҳои  хушлаззати  тоҷикӣ,  нонҳои  хурду  бузург,  таомҳои   гуногуни  миллӣ  омода  карда буданд,  ба намоишгоҳ   зебу  зинат  бахшиданд.

Воқеан  намоиши   ҳунарҳои  мардумӣ   як  манзараи  басо  ҷолиб  ва хеле  диққатҷалбкунанда   ва  хотирмону  омӯзанда  аст.    Зеро  анъанаҳои  неки   ниёгонро   эҳё  ва  идома  додан  қарзи   ҳар  як  шаҳрванди ҷумҳурӣ   мебошад.

Ҳамоиши   «Корвони  ҳунар»   бо  ибтикори  мақомоти  иҷроияи ҳокимияти давлатии шаҳри Турсунзода,  Кумитаи  ичроияи  ҲХДТ дар  шаҳри  Турсунзода ва  ҷамоатҳои  деҳот  баргузор  гардид.  Дар он  ҳунармандони  маъруф  бо  шогирдонашон,   намояндагони  ҷамоату  муассиса ва ташкилотҳо   фаъолона  ширкат  доштанд.

Иҷрокунандаи вазифаи раиси шаҳри Турсунзода Абдуқодир  Вализода  ва  ҳайати   ҳамроҳонаш  баъди  боздид  аз  намоиши   «Корвони  ҳунар» ба нақши  дастони   пурэъҷози  ҳунармандон баҳои  баланд дода, ҳамаро барои истиқболи арзандаи Соли  рушди сайёҳӣ   ва ҳунарҳои мардумӣ даъват намуд.

Ҳунарнамоии ансамбли фолклорӣ — этнографии Қаратоғ   анҷомбахши   чорабинии «Корвони  ҳунар»  буд.

 

Февраль 20, 2018 16:57

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд