Дар Суғд мусобиқоти ҳарбӣ-варзишии «Ҳомии Ватан» ҷамъбаст гардиданд

Февраль 23, 2018 11:40

ХУҶАНД, 23.02.2018 /АМИТ «Ховар»/.  Бахшида ба 25-умин солгарди таъсиси Қувваҳои Мусаллаҳи Ҷумҳурии Тоҷикистон бо  ибтикори мақомоти иҷроияи ҳокимияти давлатии вилояти Суғд дар ҳамдастӣ бо комиссариати ҳарбии вилоятӣ ва Ташкилоти ҷамъиятии мададгори мудофиаи гражданӣ аз 3 то 20 феврал дар варзишгоҳҳои маркази вилоят ва шаҳри Бӯстон мусобиқаи ҳарбӣ-варзишии «Ҳомии Ватан» баргузор гардид.

Дар спартакиадаи ХХ1 варзишӣ 16 дастаи ҷузъу томҳои гарнизони Суғд иштирок намуда, сарбозону афсарони дастаҳо барои дарёфти Ҷоми мусобиқаи вилоятӣ байни ҳам аз рӯи 10 намуди варзиш, аз ҷумла, кашидани банд, давидан ба масофаи 100 метр дар ҳайати даставӣ ва инфиродӣ, турниккашӣ, волейбол, футболи хурд, муҳорибаи тан ба тан, тирпарронӣ, вазнбардорӣ ва гузаштан аз монеаҳо сабқат намуданд

Тавре ба хабарнигори АМИТ «Ховар» масъулин аз комиссариати ҳарбии вилояти Суғд иттилоъ доданд,  21 феврал дар толори комиссариати ҳарбии Суғд мусобиқоти мазкур натиҷагирӣ ва ҷамъбаст гардиданд.  Аз рӯи ҷамъбаст  ҷои аввал насиби афсарону сарбозони қисми низомии қӯшунҳои сарҳадӣ, ҷои дуюму сеюм насиби сарбозон — варзишгарони қисмҳои ҳарбии Вазорати мудофиа ва Горди миллӣ гардид.

Ба иттилои масъулин, ҳадафи мусобиқаҳои варзишӣ, пеш аз ҳама,  баланд бардоштани малакаю маҳорати ҷангию тактикӣ ва омодабошии ҳарбии сарбозону афсарон, содиқ будан ба Модар — Ватан ва ҳамзамон мустаҳкам намудани робитаи дӯстӣ байни сарбозони қисмҳои низомии гарнизон  ба ҳисоб меравад.

 

 

 

 

 

Февраль 23, 2018 11:40

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад