Муҳассилини «Мактаби Президентӣ барои хонандагони болаёқат»-и шаҳри Ҳисор дар олимпиадаи ҷумҳуриявӣ мақоми аввалро сазовор гардиданд

Февраль 22, 2018 15:40

ДУШАНБЕ, 22.02.2018 /АМИТ «Ховар»/.    Муассисаи давлатии «Маркази ҷумҳуриявии дарёфт ва рушди истеъдодҳо»-и назди Вазорати маориф ва илми Ҷумҳурии Тоҷикистон даври минтақавии олимпиадаи хонандагони муассисаҳои таҳсилоти умумии шаҳру ноҳияҳои тобеи ҷумҳуриро баргузор намуд.

Тавре ба мухбири АМИТ «Ховар» аз Вазорати мазкур хабар доданд, олимпиада аз фанҳои ҷамъиятӣ-гуманитарӣ ва табиӣ-риёзӣ байни синфҳои 9-10 дар Муассисаи давлатии таълимии «Мактаби Президентӣ барои хонандагони болаёқат»-и шаҳри Ҳисор баргузор гардид.

Дар олимпиадаи фаннии минтақавӣ  зиёда аз 1000 нафар хонандагон  аз фанҳои гуманитарӣ ва табиӣ- риёзӣ иштирок намуданд.   Натиҷаи олимпиада нишон дод, ки хонандагони муассисаҳои таҳсилоти умумии шаҳри Ҳисор сазовори 55 ҷой, шаҳри Турсунзода -33 ҷой, ноҳияи Рўдакӣ -32 ҷой, ноҳияи Шаҳринав -24 ҷой, ноҳияи Файзобод –11 ҷой, шаҳри Ваҳдат -7 ҷой, ноҳияи Варзоб -6 ҷой ва шаҳри Роғун -3 ҷой гардиданд.

Мавриди зикр аст, ки дар даври минтақавии олимпиада хонандагони Муассисаи давлатии таълимии «Мактаби  Президентӣ барои хонандагони болаёқат» дар шаҳри Ҳисор бо гирифтани 24 ҷойи ифтихорӣ (9 медали тилло, 6 медали нуқра, 9 медали биринҷӣ)  ба натиҷаҳои назаррас ноил гардида, байни дигар муассисаҳои таълимӣ мақоми аввалро сазовор гардиданд.

Ҳамзамон натиҷаи ҷамъбасти даври минтақавии олимпиада байни хонандагони муассисаҳои таҳсилоти умумии шаҳру ноҳияҳои тобеи ҷумурӣ нишон дод, ки бо дарназардошти сол то сол муҳайё гардидани шароити таълим дар муассисаҳои таълимӣ иштирок дар озмуну олимпиадаҳо зиёд гашта, сатҳи дониши хонандагон нисбат ба солҳои гузашта беҳтар гардидааст.

Ҷамъбасти олимпиада   дар Муассисаи таълимии давлатии «Мактаби байналмилалии Президентӣ» дар шаҳри Душанбе баргузор гардида, муовини Вазири маориф ва илми Ҷумҳурии Тоҷикистон Латофат Назирӣ ва директори Марказ Тоҷинисо Маҳмадова ба ғолибон ифтихорномаю медалҳо супориданд.

 

 

 

 

Февраль 22, 2018 15:40

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад