Сабабҳои сар задани сӯхтор дар бозори марказии шаҳри Кӯлоб муайян гардиданд

Август 15, 2018 15:22

ДУШАНБЕ, 15.08.2018. /АМИТ «Ховар»/. Шаби 14 августи соли 2018, соати 24 анбори бозори марказии шаҳри Кӯлоби вилояти Хатлон ба коми оташ фурӯ рафт, ки дар ин ҳодиса мудири анбори ин бозор гунаҳгор дониста мешавад.

Дар ин бора ба мухбири минтақавии АМИТ «Ховар» дар вилояти Хатлон Сулаймон Хол сардори Хадамоти оташнишонии шаҳри Кӯлоб Ҳокимшо Назаров хабар дод.

Ба гуфтаи номбурда, «муайян гардид, ки бо сабабҳои номаълум мудири анбори бозор аввал анборро холӣ карда, сипас барқасдона онро оташ задааст».

«Баъди қабул намудани бонги сӯхтор фавран 5 нақлиёти сӯхторхомӯшкунӣ ба ҷойи ҳодиса ҳозир шуда, онро сари вақт хомӯш намуданд. Оташ соати 24:15 пурра хомӯш гардида, пеши роҳи паҳншавии аланга ба дигар қисматҳои бозор гирифта шуд»,-гуфт Ҳокимшо Назаров.

Ба иттиллои сардори Хадамоти оташнишонии шаҳри Кӯлоб, дар натиҷаи сӯхтор ба маблағи 17 ҳазор сомонӣ зарар расонида шуд. Бар асари ҳодисаи сӯхтор талафоти ҷонӣ ба қайд гирифта нашудааст.

Бояд гуфт, ки барои халал нарасонидан ба корҳои тафтишотӣ бозори мазкур муваққатан, то соати 12 баста шуда, баъди он ба фаъолият оғоз намуд. Айни ҳол тафтишот идома дорад.

Август 15, 2018 15:22

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт