Ҳайати расмии Тоҷикистон дар чорабиниҳои ёдбуди Ҷанги якуми ҷаҳон ва таҷлили садсолагии сулҳи соли 1918 иштирок намуд

Ноябрь 12, 2018 09:40

ДУШАНБЕ, 12.11.2018. /АМИТ «Ховар»/. 11 ноябри соли равон ҳайати расмии Ҷумҳурии Тоҷикистон таҳти роҳбарии Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров дар чорабиниҳои ёдбуди Ҷанги якуми ҷаҳон ва таҷлили садсолагии сулҳи соли 1918, ки дар шаҳри Парижи Ҷумҳурии Франсия баргузор гардиданд, иштирок намуд.

Тавре котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов ба мухбири АМИТ «Ховар» хабар дод, зимни ҷамъомади мазкур як силсила чорабиниҳои идона, аз ҷумла гузашти низомӣ, дақиқаи хомӯшӣ ва дигар суруду оҳангҳои мавзӯӣ, барафрохтани оташи ҷовидонӣ дар назди мақбараи сарбози номаълум  барпо гардиданд.

Қабл аз чорабинии бахшида ба ёдбуди фавтидагони Ҷанги якуми ҷаҳон ва таҷлили садсолагии сулҳи соли 1918, 10 ноябри соли 2018 дар Осорхонаи Орсэи шаҳри Париж намоишгоҳи асарҳои рассоми машҳур Пабло Пикассо доир карда шуд.

«Дар ҳошияи иштирок дар намоишгоҳи мазкур дар Осорхонаи Орсэ мулоқотҳои арзи адаби роҳбари ҳайати расмии Тоҷикистон Шукурҷон Зуҳуров бо як зумра роҳбарони хайатхои кишварҳои ҷаҳон, аз ҷумла бо Президенти Ҷумҳурии Франсия Эммануэл Макрон доир гардид, ки дар рафти он дуруду саломи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муњтарам Эмомалӣ Раҳмон ба Президенти Франсия расонида шуд»,- хабар дод манбаъ.

Президенти Франсия барои пазируфтани даъват ва иштироки ҳайати воломақоми Тоҷикистон дар чорабиниҳои дар Париж доиргардида ба ҷониби Тоҷикистон изҳори ташаккур намуд.

Пас аз анҷоми суханрониҳои сарони давлатҳо ва ҳукуматҳо дар ҷаласаи пленарии Форум, роҳбари ҳайати Тоҷикистон Шукурҷон Зуҳуров китоб таҳти унвони «Меъмори сулҳ»-ро (ба забонҳои англисӣ ва франсузӣ) доир ба нақши таърихии Президенти Ҷумҳурии Тоҷикистон муҳтарам Эмомалӣ Раҳмон дар қатъи ҷанги шаҳрвандӣ ва барқарорсозии сулҳу субот ва шукуфоӣ дар Тоҷикистон муаррифӣ намуда, онро ба китобхонаи «Сулҳ»-и Париж тақдим кард.

Ба иттилои Муҳаммадато Султонов, дар маросими ифтитоҳи ҷамъомади мазкур ноиби президенти Шӯрои тадорукоти Форуми Париж оид ба масъалаҳои сулҳ Триша Шетти, Президенти Франсия Эммануэл Макрон, Канслери Германия Ангела Меркел ва Дабири кулли Созмони Милали Муттаҳид Антониу Гутерриш суханронӣ намуданд.

Ёдовар мешавем, ки Форуми Париж оид ба масъалаҳои сулҳ рӯзҳои 12 ва 13 ноябр низ идома ёфта, дар он иштирокдорон масъалаҳои марбут ба мудирияти глобалӣ, аз ҷумла амният ва сулҳ, муҳити зист, рушди устувор, технологияҳои нав ва иқтисоди инклюзивиро мавриди муҳокима қарор медиҳанд.

Ноябрь 12, 2018 09:40

Хабарҳои дигари ин бахш

Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Шараф Шерализода бо муовини котиби давлатии Котиботи давлатии Швейтсария оид ба молияи байналмилалӣ мулоқот намуд
Намояндаи Тоҷикистон дар чорабинӣ оид ба маблағгузории миллӣ барои расидан ба Ҳадафҳои Рушди Устувор иштирок намуд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Ҷонибек Ҳикмат дар чорабинӣ бахшида ба Рӯзи байналмилалии «ҷаҳони бе партов» иштирок намуд
Дар қароргоҳи Созмони Милали Муттаҳид бахшида ба таҷлили ҷашни Наврӯзи байналмилалӣ ҳамоиши тантанавӣ доир гашт
Деннис Фрэнсис саҳми Тоҷикистонро дар пешбарии масъалаҳои марбут ба об баланд арзёбӣ намуд
Дар Ню-Йорк аҳаммияти фаъолияти Раванди оби Душанбе баррасӣ гардид
Дар шаҳри Остона ҷашни байналмилалии Наврӯз таҷлил гардид
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
Вазири корҳои хориҷии Тоҷикистон дар Конфронс ба муносибати Рӯзи ҷаҳонии об иштирок намуд