Муовини Раиси Маҷлиси намояндагон бо директори минтақавии Фонди нуфузи аҳолии Созмони Милали Муттаҳид мулоқот намуд
ДУШАНБЕ, 31.05.2019. /АМИТ «Ховар»/. Имрӯз дар шаҳри Душанбе муовини Раиси Маҷлиси намояндагони Маҷлиси Олии Ҷумҳурии Тоҷикистон Хайринисо Юсуфӣ бо директори минтақавии Фонди нуфузи аҳолии Созмони Милали Муттаҳид (ЮНФПА) Аланна Армитаҷ мулоқот анҷом дод.
Дар ин бора котиби матбуотии Маҷлиси намояндагон Муҳаммадато Султонов ба мухбири АМИТ «Ховар» иттилоъ дод.
«Хайриниссо Юсуфӣ зикр намуд, ки мо ҳамеша хостори муносиботи неку равобити ҳасана бо Созмони Шумо ҳастем ва талош менамоем, ки ин равобит бештар тақвият ёбад», — афзуд манбаъ.
Зикр шуд, ки Ҷумҳурии Тоҷикистон ҳамкориро бо Фонди нуфузи аҳолии СММ дар доираи татбиқи як қатор барномаҳои гуногунсамт, аз ҷумла ҳамоҳангсозии кӯмаки башардӯстонаи созмонҳои байналмилалӣ дар соҳаи тандурустӣ, ислоҳоти соҳаи мазкур, таҳкими саломатии модару кӯдак, инчунин омодагӣ ба ҳолатҳои фавқулода ба роҳ мондааст.
Бояд гуфт, ки барои амалӣ намудани барномаҳои зикршуда намояндагии Фонди мазкур дар Ҷумҳурии Тоҷикистон фаъолият менамояд.
Ба иттилои манбаъ, ҷонибҳо масъалаи ҳамкорӣ дар самти таъмини баробарии гендериро таъкид намуда, гуфтанд, ки аз солҳои аввали истиқлолият мушкилии беҳбуди шароити кору зиндагии занон ҳамеша дар маркази таваҷҷуҳи Президент ва Ҳукумати Ҷумҳурии Тоҷикистон қарор дорад.
Ёдовар мешавем, ки Хайринисо Юсуфӣ ва Аланна Армитаҷ ҳавасмандии худро ба густариши бештари равобити дӯстӣ ва ҳамкории гуногунпаҳлӯ иброз доштанд.
Ба Қонуни Ҷумҳурии Тоҷикистон «Дар бораи Бонки миллии Тоҷикистон» тағйироту илова ворид гардид
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Пешвои миллии халқи туркман, Раиси Халқ Маслиҳатии Туркманистон Гурбонгулӣ Бердимуҳамедов мулоқот намуданд
Ҷаласаи Шурои коршиносон оид ба экология ва идоракунии захираҳои табиӣ дар Ассамблеяи байнипарлумонии мамлакатҳои Иттиҳоди Давлатҳои Мустақил доир шуд
ҲАМОВОЗӢ. Дар Парлумон оид ба мулоқоти Президенти Тоҷикистон бо фаъолон, намояндагони ҷомеа ва ходимони дин ҳамоиш доир гардид
