Кумитаи рушди сайёҳӣ 10 ҷаззобияти сафар ба Тоҷикистонро тартиб дод

Июнь 28, 2019 09:37

ДУШАНБЕ, 28.06.2019 /АМИТ «Ховар»/. Шумораи сайёҳоне, ки аз Ҷумҳурии Тоҷикистон дидан мекунаду бо худ хотироти нек мебардоранд, сол ба сол меафзояд. Ҳамаи ин натиҷаи талошҳо ва ташаббусҳои Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон, ки ба рушди соҳаи сайёҳӣ таваҷҷуҳи хоса зоҳир мекунанд, мебошад.

Эълон намудани соли 2018 ҳамчун «Соли рушди сайёҳӣ ва ҳунарҳои мардумӣ» ва идомаи он «Солҳои рушди деҳот, сайёҳӣ ва ҳунарҳои мардумӣ» солҳои 2019-2021 таҳаввулоти чашмрасеро дар ин соҳа ба вуҷуд овард. Бо такя ба чорабиниҳои муассире, ки идома доранд, метавон гуфт, ки минбаъд сайёҳӣ яке аз бахшҳои муҳими иқтисодиёти мамлакатро ифода мекунад.

Ба вуҷуд овардани инфросохтори сайёҳии ҷавобгӯ ба стандартҳои муосири сайёҳӣ, пешниҳоди имтиёзҳо, афзудани хатсайрҳо ва шаклҳои сайёҳӣ,  беҳ гардидани шароити пазироии сайёҳон, эҳё ва рушди ҳунарҳои мардумӣ, тарғибу ташвиқи ҷолибиятҳои сайёҳӣ дар фазои иттилоотӣ, роҳандозии ҳуҷҷатгузории электронӣ барои сайёҳон ва монанди инҳо аз қабили дастовардҳое мебошанд, ки рушди сайёҳиро дар чанд соли ахир дарбар мегиранд.

Дар баробари ин дастовардҳо, боигариҳои табии сайёҳӣ, табиати нодир, ёдгориҳои таърихӣ, обҳои мусаффову шифобахш ва пешравиҳои рӯзафзуни Ватани маҳбубамон ангезаҳои ҷалби сайёҳон ба шумор мераванд. Ҳамин аст, ки ҷумҳурии  мо дар минтақа барои сайёҳати экологӣ, кӯҳнавардӣ, табобатию солимгардонӣ, таърихию фарҳангӣ ва этнографӣ бузургтарин иқтидорро доро мебошад. Ин баҳодиҳӣ хулосаи ва назари сайёҳону намояндагони созмонҳои байналмилалӣ мебошад.

Бо мақсади дақиқ намудании баъзе ҷаззобиятҳои ҷалби сайёҳон ба Тоҷикистон, Кумитаи рушди сайёҳӣ бо такя ба омӯзишҳо ва боздиду назари сайёҳон 10 ангезаи сафари сайёҳони дохилию хориҷиро мураттаб намуд. Ин раддабандӣ бо забонҳои русию англисӣ таҳия шудааст. Ин омилҳо кадомҳоянд? Чӣ ҷаззобияте барои сайёҳон доранд? Чаро ангезаи ҷалби сайёҳон гардиданд? Шумо метавонед бо пахш намудани  навиштаҷоти поён бо ин омилҳо дар шакли PDF  шинос шавед:

10 ПРИЧИН ПОСЕТИТЬ ТАДЖИКИСТАН (PDF)

10 REASONS TO VISIT TAJIKISTAN (PDF)

Июнь 28, 2019 09:37

Хабарҳои дигари ин бахш

Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
«НАВРӮЗ — МЕРОСИ ФАРҲАНГИЮ ҶАҲОНГАРДӢ». Табиати зебои Тоҷикистон дили меҳмонони хориҷиро тасхир намуд
Ба шарафи Наврӯзи бостонӣ дар Кумитаи рушди сайёҳии Тоҷикистон ҳамоиши тантанавӣ доир шуд
Коршиносони олмонӣ дар ҷашни наврӯзии Донишгоҳи байналмилалии сайёҳӣ ва соҳибкории Тоҷикистон иштирок намуданд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
Дар Боғи Ирами шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» бо намоиши ҳунарҳои мардумӣ доир гардид
Дар Намоишгоҳи байналмилалии сайёҳӣ ва меҳмоннавозии Москва имконоти сайёҳии Тоҷикистон муаррифӣ гардид
Масъалаи тақвияти ҳамкории Тоҷикистон ва Ҷопон дар соҳаи сайёҳӣ мавриди баррасӣ қарор гирифт
Ҷаласаи нуҳуми Шурои ҳамоҳангсозии миллӣ оид ба рушди соҳаи сайёҳӣ дар назди Ҳукумати Ҷумҳурии Тоҷикистон баргузор гардид
ФОРУМИ B5+1. Ҳамгироии иқтисодии минтақавии Осиёи Марказӣ тавассути муколамаи давлатӣ ва бахши хусусӣ тақвият меёбад
Дар шаҳраки бостонии Саразм майдони пазироӣ, дарвозаи рамзӣ ва терминали логистикӣ сохта мешавад
РӮЗИ МАТБУОТИ ТОҶИК. Кумитаи рушди сайёҳии Тоҷикистон заҳмати як зумра рӯзноманигоронро қадрдонӣ намуд