Кумитаи ҳолатҳои фавқулода ва мудофиаи гражданӣ: се нафар аз хатари ғарқшавӣ дар об наҷот дода шуданд

Июль 17, 2019 16:45

ДУШАНБЕ, 17.07.23019. /АМИТ «Ховар»/. Шабонарӯзи гузашта кормандони Раёсати Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар вилояти Суғд се нафарро аз хатари ғарқшавӣ дар об наҷот доданд. Дар ин бора аз Кумитаи ҳолатҳои фавқулода хабар доданд.

Ба иттилои манбаъ, ду нафари онҳо мард ва яке зан — сокинони ноҳияҳои Деваштич ва Спитамен мебошанд.

«Ин сокинон дар ҷойи мамнуъ барои шиноварии дарёи Сир дар қаламрави шаҳри Хуҷанд шиноварӣ мекарданд. Онҳо шинокунон аз соҳил дур рафта, намедонистанд, ки дар бозгашт қувваашон барои то соҳил шино кардан намерасад», — омадааст дар иттилоияи КҲФ ва МГ.

Манбаъ афзуд, ки наҷотдиҳандагони навбатдори Раёсати Кумита дар вилояти Суғд онҳоро фавран ба соҳил бароварданд. Онҳо ба кумаки тиббӣ ниёз надоштанд.

Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон аз сокинон ва меҳмонони мамлакат хоҳиш мекунад, ки ҷиддан қоидаҳои бехатариву амният дар обро ҳангоми истироҳат риоя кунанд ва кӯдакону наврасонро беназорат нагузоранд.

Июль 17, 2019 16:45

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд