Дар минтақаи сарҳадии Тоҷикистону Қирғизистон пули мошингузари «Дӯстӣ» мавриди истифода қарор гирифт
ДУШАНБЕ, 30.09.2019 /АМИТ «Ховар»/. Имрӯз, 30 сентябр бо иштироки Раиси вилояти Суғд Раҷаббой Аҳмадзода ва намояндаи комилҳуқуқи Ҷумҳурии Қирғизистон дар вилояти Ботканд Акрам Мадумаров дар минтақаи сарҳадии Овчӣ-қалъачаи Тоҷикистон ва Қулундии Қирғизистон пули мошингузари “Дӯстӣ” мавриди баҳрабардорӣ қарор дода шуд. Дар ин бора аз Хадамоти матбуоти Раиси вилояти Суғд ба АМИТ «Ховар» хабар доданд.
Пули мошингузари “Дӯстӣ”, ки бар асари селфароӣ чанд сол пеш вайрон шуда буд, бо маблағгузории ҳарду тараф бунёд гардид. Он 12 метр дарозиву 8 метр паҳноӣ дорад.
Раиси вилояти Суғд Раҷаббой Аҳмадзода ва намояндаи комилҳуқуқи Ҷумҳурии Қирғизистон дар вилояти Ботканд Акрам Мадумаров зимни иштирок дар маросими баистифодадиҳии пули “Дӯстӣ” иброз доштанд, ки сокинони деҳаҳои наздисарҳадӣ минбаъд метавонанд озодона равуо намуда, муносибатҳои дӯстонаро таҳким бахшанд.
Ҷонибҳо бо ёдоварӣ аз мулоқоту музокироти сатҳи олии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Сооронбой Жээнбеков таъкид карданд, ки тоҷикону қирғизҳо асрҳо инҷониб дар ҳамсоягии ҳам ба сар мебаранд ва бояд дар оянда низ бо риояи анъанаҳои неки ҳамсоядорӣ тифоқу аҳлона зиндагӣ намоянд.
Тоҷикистон ва Ҷумҳурии Корея ҳамкории байни муассисаҳои таҳсилоти олии ду мамлакатро матраҳ намуданд
Намояндаи Тоҷикистон дар чорабинии сатҳи баланди Маҷмаи Умумии СММ оид ба нақлиёти устувор иштирок намуд
Президенти Ҷумҳурии Узбекистон бо Сарвазири Ҷумҳурии Тоҷикистон мулоқот намуд
Тоҷикистон бо Маркази байналмилалии савдо рақамикунонии соҳаҳои иқтисодӣ ва инноватсияро баррасӣ намуд
Ҳайати Тоҷикистон дар ҷаласаи ҳаштуми вазирони маорифи давлатҳои аъзои Созмони ҳамкории Шанхай иштирок намуд
Президенти Тоҷикистон: «Аҳднома оид ба ҳампаймонӣ муносибатҳои Тоҷикистону Узбекистонро ба сатҳи сифатан нав мебарорад»
Донишҷӯёни тоҷике, ки дар Русия таҳсил доранд, даъват шуданд, ки илм омӯзанд
Президенти Ҷумҳурии Узбекистон Шавкат Мирзиёев дар пояи муҷассамаи Исмоили Сомонӣ гулчанбар гузошт
Намояндаи Тоҷикистон дар машваратҳои ғайрирасмӣ дар сатҳи сафирон оид ба Саммити Оянда иштирок намуд
Давлатшоҳ Гулмаҳмадзода дар ҳамоиш бахшида ба раёсати Қазоқистон дар Созмони Ҳамкории Шанхай иштирок намуд
Ҷавонон дар сиёсати пешгирифтаи Ҳукумати Тоҷикистон ҷойгоҳи афзалиятнок доранд
Дар Ашқобод ҳамкории Тоҷикистон бо Маркази минтақавии СММ оид ба дипломатияи пешгирикунанда баррасӣ шуд
