Ҷаласаи навбатии сайёри раисони парлумони давлатҳои узви СААД дар Душанбе баргузор мешавад

Ноябрь 7, 2019 09:50

ДУШАНБЕ, 07.11.2019./АМИТ «Ховар»/. Моҳи майи соли 2020 дар шаҳри Душанбе ҷаласаи навбатии сайёри раисони парлумони давлатҳои узви Созмони Аҳдномаи Амнияти Дастаҷамъӣ баргузор мешавад. Дар ин хусус зимни ҷаласаи  сайёри  навбатии Шӯрои Ассамблеяи Парламентии СААД, ки 5 ноябр дар шаҳри Еревани Арманистон баргузор гардид, қарори дахлдор қабул шуд.

Тавре котиби матбуоти Маҷлиси намояндагон Муҳаммадато Султонов ба мухбири АМИТ «Ховар» иттилоъ дод, дар ҷаласаи  сайёри  навбатии Шӯрои Ассамблеяи Парламентии СААД ҳайати парлумонии Тоҷикистон таҳти роҳбарии Раиси Маҷлиси намояндагон Шукурҷон Зуҳуров иштирок намуд.

«Баргузории ҷаласаи мазкур далели равшани ҳамкорӣ миёни давлатҳои аъзои СААД буда, ғояи асосии онро муттаҳидӣ ва якдигарфаҳмӣ ташкил медиҳад»,- зикр намуд Шукурҷон Зуҳуров.

Гуфта мешавад, ки дар ҷаласаи мазкур раисони парлумонҳои давлатҳои узви созмон масъалаҳои мубрами амнияти байналмилалӣ ва минтақавиро муҳокима карданд.

Раиси кумитаи Думаи давлатии Федератсияи Россия оид ба мудофиа  Владимир Шаманов оид ба натиҷаҳои кори ҷаласаи сайёри муштараки ҳамоҳангсозии раисони кумитаҳои мудофиа ва амнияти парлумонҳои давлатҳои аъзои Созмони Аҳдномаи Амнияти Дастаҷамъӣ ва Комиссияи доимии ин Созмон оид ба мудофиа ва амният, ки 28 октябр дар шаҳри Душанбе доир гардид, сухан карда, ба ҷониби Тоҷикистон барои дар сатҳи баланд муҳайё намудани шароити мусоид изҳори минатдорӣ кард.

Иштирокчиёни масъалаҳои рӯзномаи ҷаласаро баррасӣ ва оид ба онҳо қарори дахлдор  қабул намуданд.

Ноябрь 7, 2019 09:50

Хабарҳои дигари ин бахш

Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид
Имрӯз иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор мегардад