Кормандони милитсия муомилоти ғайриқонунии маводи тарфгариро пешгирӣ карданд

Декабрь 9, 2019 14:47

ДУШАНБЕ, 09.12.2019 /АМИТ «Ховар»/. Кормандони мақомоти милитсияи шаҳри Душанбе  дар натиҷаи гузаронидани чорабиниҳои фаврӣ -ҷустуҷӯӣ ноболиғ, писарбачаи 16-солаи сокини кӯчаи Фирдавсии пойтахтро, ки  хонандаи синфи 11-и яке аз муассисаи таҳсилоти миёнаи умумии шаҳр  мебошад, бо гумони муомилоти ғайриқонунии маводи тарфгарӣ (пиротехникӣ) дастгир  намуданд.

Тавре аз маркази матбуоти Вазорати корҳои дохилии Ҷумҳурии Тоҷикистон ба АМИТ «Ховар» хабар доданд,  ҳангоми кофтуков аз номбурда 4 ҳазору 500 дона маводи тарфгарии намуди «Трения» дарёфт ва  мусодира гардид.

Тибқи иттилои манбаъ, ҳамчунин  дар натиҷаи гузаронидани чорабиниҳои дигари фаврӣ — ҷустуҷӯӣ аз ҷониби кормандони милитсия 3 нафар ҷавонони 18-солаи сокинони шаҳри Душанбе ва ноҳияи Бӯстони вилояти Суғд бо ҷурми муомилоти ғайриқонунии маводи тарфгарӣ  дастгир шуданд.

Ҳангоми кофтуков  аз дохили борхалтаи ҷавонони номбурда 3 ҳазору 607  дона маводи тарфгарии намуди «Трения» ва «Хлопушка» дарёфт ва гирифта шуд.
Аз рӯи ин ҳодисаҳо корҳои тафтишотӣ  идома доранд.

Мутаассифона, бо фаро расидани Соли нави мелодӣ баъзе аз нафарон бо мақсади ба даст овардани даромади муфт ба фурӯши ғайриқонунии маводи тарфгарӣ машғул мешаванд. Ҳол он ки тибқи қонунгузории Ҷумҳурии Тоҷикистон муомилот ва ба фурӯш баровардани  ин  мавод  қатъиян манъ карда шудааст.

Дар моддаи 199, эзоҳи 1-и Кодекси ҷиноятии Ҷумҳурии Тоҷикистон  чунин омадааст: «1.Ғайриқонунӣ ба ҳудуди Ҷумҳурии Тоҷикистон ворид намудан, истеҳсол кардан, нигоҳ  доштан, фурўхтан, ба соҳибияти каси дигар додан ва истифода бурдани маводи тарфгарӣ (пиротехникӣ) ба миқдори  начандон калон ё дар давоми сол пас аз таъйини ҷазои маъмурӣ барои содир намудани чунин кирдорҳо, бо ҷарима ба андозаи аз сад то дусад нишондиҳанда барои ҳисобҳо ҷазо  дода мешавад.

2) Ҳамин кирдорҳо агар ба миқдори калон содир шуда бошанд, бо  ҷарима ба андозаи аз дусад то панҷсад нишондиҳанда барои ҳисобҳо ё маҳрум сохтан аз озодӣ ба муҳлати аз як то ду сол ҷазо дода мешавад.

Эзоҳ: Таҳти мафҳуми ба миқдори начандон калон аз бист то сад адад маводи тарфгарии (пиротехникӣ) барои оташфаввораҳо истифодашаванда, аз панҷоҳ то дусад адад бозичаҳои оташбозӣ, ба монанди капсулаҳо барои туфангчаҳои бозича (дар лентаҳо,  варақҳо, роликҳо ё ҳалқаҳои гирди пластикӣ   печонидашуда) фаҳмида мешавад».

Доир ба ин қонунвайронкунӣ аз ҷониби кормандони мақомоти корҳои дохилӣ пайваста чорабиниҳои мақсаднок доир гардида, тадбирҳои мушаххас андешида мешаванд.

Декабрь 9, 2019 14:47

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд