Тоҷикистон ва дигар давлатҳои СААД ба паради Ғалаба дар Москва 75- нафарӣ низомӣ мефиристанд

Январь 31, 2020 10:24

ДУШАНБЕ, 31.01.2020 /АМИТ «Ховар»/. Тоҷикистон ва дигар давлатҳои иштирокдори Созмони Аҳдномаи Амнияти Дастаҷамъӣ (СААД) барои иштирок дар парад бахшида ба Рӯзи Ғалаба, ки 9 майи соли 2020 дар шаҳри Москваи Федератсияи Россия баргузор мешавад, 75-нафарӣ низомӣ мефиристанд. Тавре АМИТ «Ховар» бо истинод ба ТАСС хабар медиҳад, дар ин бора рӯзи панҷшанбе зимни нишасти матбуотӣ сардори Ситоди муттаҳидаи СААД, генерал-полковник Анатолий Сидоров иттилоъ дод.

«Сарони давлатҳо иштироки ҳайати низомиро тасдиқ карданд. Дар нақша аст, ки аз ҳар давлат 75- нафарӣ ба ҳайати парад шомил карда шаванд», — гуфт ӯ.

Тавре Сидоров хабар дод, қаблан шумораи пешакии ҳайати низомии СААД дар парад бахшида ба 75-солагии Ғалаба дар Ҷанги Бузурги Ватанӣ 75 нафар муайян карда шуд. Баргузории омодагии низомиён дар пойгоҳи гарнизони Алабин ва майдони Сурх дар шакли омӯзиши муштарак баҳори соли 2020 ба нақша гирифта шуда буд.

Ёдовар мешавем, ки моҳи майи соли 2020 дар майдони Сурхи Москва паради тантанавӣ бахшида ба 75-солагии Ғалаба дар Ҷанги Бузурги Ватанӣ баргузор мешавад. Тибқи иттилои телевизиони «Звезда», дар он беш аз 14 ҳазор нафар, тақрибан 300 адад аслиҳа ва техникаи низомӣ, аз ҷумла беш аз 100 ҳавопаймо ширкат мекунанд. Аз майдони Сурх дар баробари низомиёни рус ҳамчунин низомиёни хориҷӣ  мегузаранд.

Дар минбари асосии парад аз рӯи анъана роҳбарияти Россия ва меҳмонони олиқадр, аз ҷумла сарони давлатҳои ИДМ, Франсия, Ҳиндустон, Куба, Ҷумҳурии Чехия, Венесуэла ва Сербия ҳузур хоҳанд дошт. Президенти ИМА Доналд Трамп низ хоҳиши 9 май ба Москва омаданашро иброз дошта буд.

ДАР АКС: низомиёни Тоҷикистон дар майдони Сурхи Москва ҳангоми гузашти парад бахшида ба Рӯзи Ғалаба. Акс аз бойгонӣ.

Январь 31, 2020 10:24

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»