Дар Душанбе Форуми ҷумҳуриявӣ оид ба усулҳои муосири муқовимат ба ифротгароии хушунатомез миёни ҷавонон баргузор гардид
ДУШАНБЕ, 14.02.2020 /АМИТ «Ховар»/. Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Китобхонаи миллии Тоҷикистон Форуми ҷумҳуриявӣ дар мавзӯи «Роҳ ва усулҳои муосири муқовимат бо таҳдиду хатарҳои замони муосир, бахусус ифротгароии хушунатомез дар байни ҷавонон» баргузор гардид.
Раиси Кумитаи кор бо ҷавонон ва варзиш Абдулло Раҳмонзода зикр намуд, ки ҷавонони тоҷик аз наслҳои хушбахти миллати тоҷик ба ҳисоб мераванд, зеро онҳо дар фазои сулҳу суботи комил, якдиливу якпорчагии Ватан умр ба сар мебаранд. Аз ин рӯ онҳо бояд ҳамеша дар пайи омӯзиши илму дониш, касбу ҳунар бошанд ва ҳамчуни мутахассиси баландихтисос дар ободии Ватан саҳми арзандаву гузоранд.
«Имрӯз ҷавононро мебояд ба муқобили ифротгароиву хурофотпарастӣ ва андешаҳое, ки барои рушди мамлакат монеаҳо эҷод мекунанд, муборизаи беамон бурда, ҷомеаро аз таъсири ҳар гуна фарҳангу мафкураи бегона ҳифз намоянд. Имрӯз терроризм ва экстремизм ба минтақаҳои ҷаҳон таъсири манфӣ расонида, бархе ҷавононро гумроҳ ва қурбони ҳодисаҳои нохуш гардонидааст. Аз ин рӯ мебояд, ки Тоҷикистон дар якҷоягӣ бо дигар давлатҳо пеши роҳи ин ҳодисаҳои номатлубро ба таври зарурӣ гирад»,- гуфт Абдулло Раҳмонзода.
-Таҳлилҳо нишон медиҳанд, ки давлатҳои абарқудрат бар зидди ифротгароӣ ва террористӣ мубориза бурда, то ҳол роҳи ҳалли онро наёфтаанд,- мегӯяд муовини сардори Раёсати илму маърифати Дастгоҳи иҷроияи Президенти Ҷумҳурии Тоҷикистон Адҳам Маъмурзода.
Бино ба ибрози номбурда, Тоҷикистон имрӯз дар ин самт таваҷҷуҳи махсус зоҳир намуда, баҳри решакан намудани хурофотпарастӣ корҳои зиёде ба анҷом расонидааст.
Мақсад аз баргузории Форуми «Роҳ ва усулҳои муосири муқовимат бо таҳдиду хатарҳои замони муосир, бахусус ифротгароии хушунатомез дар байни ҷавонон» пешгирии ҷавонону наврасон аз гаравиш ба ҳизбу ҳаракатҳои номатлуб, паст кардани шиддати ҷинояткорӣ, пешгирии роҳҳои муосири терроризм, экстремизм ва ифротгароии динӣ миёни ҷавонон ва ташаккули ҳаёти осоишта дар байни онҳо арзёбӣ гардид.
Форуми мазкур то соати 17:00 дар ду қисмат идома ёфта, иштирокчиён оид ба мавзӯъҳои гуногун маърӯза пешниҳод менамоянд.
Кори форум натиҷагирӣ шуда, аз ҷараёни он қатънома қабул мешавад.
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Дар Душанбе вобаста ба хатари хурофот ва ифротгароӣ ҳамоиш доир шуд
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
Дар шаҳри Хуҷанд клиникаи муосири оилавии муосири 1+1 ифтитоҳ гардид
