Татбиқи Лоиҳаи «Digital CASA» дар рушди рақамикунонии иқтисоди Тоҷикистон нақши муҳим дорад

Февраль 8, 2020 09:20

ДУШАНБЕ, 08.02.2020 /АМИТ «Ховар»/. Татбиқи лоиҳаи «Digital CASA дар Ҷумҳурии Тоҷикистон»-ро барои рушди иқтисоди рақамӣ дар мамлакат муовини аввали Раиси Бонки миллии Тоҷикистон Ҷамолидин  Нуралиев дар мулоқот бо намояндагони Бонки ҷаҳонӣ муҳим арзёбӣ намуда, барои мусоидат ба татбиқи сифатнок ва самараноки лоиҳа омодагии ҳамаҷонибаи худро изҳор дошт.

Ҷамолиддин Нуралиев зикр кард, ки татбиқи лоиҳаи мазкур ояндаи наздик баҳри рушди иқтисодиёти мамлакат, ташаккули инфрасохтори рақамӣ ва фароҳам овардани шароити мусоид барои ҳамгироӣ дар минтақа, дастрасии молиявӣ ба шабакаи ҷаҳонии Интернет, ба миён омадани рақобати солим ва таъсиси ҷойҳои нави корӣ кумаки ҷиддӣ хоҳад кард.

Татбиқи ҳадафмандона ва босамари Лоиҳаи рушди алоқаи рақамӣ байни давлатҳои Осиёи Марказӣ ва Осиёи Ҷанубӣ дар Ҷумҳурии Тоҷикистон на фақат барои давлати мо, балки баҳри тамоми минтақа аҳамияти муҳим дорад.

Аз ин сабаб, он бояд бо назардошти хусусиятҳои хоси иқтисодиёти минтақа роҳандозӣ гардида, дар ҷараёни ташкили Маркази татбиқи лоиҳаи  «Digital CASA» дар Ҷумҳурии Тоҷикистон таҷрибаи мусбати Бонки ҷаҳонӣ дар амалисозии ҳамин гуна лоиҳаҳо дар мамлакатҳои дигар ба инобат гирифта шавад. Зеро ташкили Маркази пуриқтидори татбиқи лоиҳа имконияти назорати амалиёти рақамиро дар сатҳи зарурӣ фароҳам месозад,-таъкид дошт Ҷамолиддин Нуралиев.

Намояндагони Бонки ҷаҳонӣ аз ҳамкории сатҳи олии Ҳукумат, Дастгоҳи иҷроияи Президенти Ҷумҳурии Тоҷикистон, инчунин Бонки миллии Тоҷикистон бо Бонки ҷаҳонӣ дар самти татбиқи Лоиҳаи рушди алоқаи рақамӣ байни давлатҳои Осиёи Марказӣ ва Осиёи Ҷанубӣ дар Ҷумҳурии Тоҷикистон изҳори хушнудӣ намуданд. Онҳо  иброз доштанд, ки Тоҷикистон барои амалигардонии лоиҳаи мазкур қадамҳои устувор мегузорад. Гуфта шуд, ки Тоҷикистон барои мукаммал гаштани муҳтавои лоиҳаи мазкур ва механизми амалигардонии он корҳои зиёдро анҷом дода, дар ин самт миёни кишварҳои минтақа пешсаф ва имкониятҳои зиёдро дорост. Мусоҳибон оид ба раванди корҳои техникии лоиҳа мубодилаи афкор карда, изҳор намуданд, ки сатҳу сифати хизматрасонӣ ва ҷалби мутахассисони кордони соҳавӣ муҳим аст ва корҳои зиёд анҷом дода шудаанд.

Мусаллам аст, ки рушди иқтисодиёти рақамӣ дар доираи лоиҳаи «Digital CASA» ба пайваст намудани ду минтақаи Осиё: Марказӣ ва Ҷанубӣ мусоидат хоҳад кард. Таъмини ҳамгироии кишварҳои Осиёи Марказӣ ҷиҳати дастрасии комил ба иқтисодиёти рақамии минтақавӣ ва ҷаҳонӣ, фароҳам овардани имконият барои истифода аз хизматрасониҳои рақамии босифат аз ҳадафҳои муҳими лоиҳаи мазкур мебошад.

Февраль 8, 2020 09:20

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ҚУРБИ АСЪОР: дар Тоҷикистон 1 доллари ИМА аз 10.9546 то 10.9800 сомонӣ муқаррар шудааст
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад