Толибхон Азимзода намояндаи Маҷлиси намояндагон дар Суди конститутсионӣ интихоб гардид

Апрель 29, 2020 16:23

ДУШАНБЕ, 29.04.2020. /АМИТ «Ховар»/.  Вакили мардумӣ Толибхон Азимзода намояндаи Маҷлиси намояндагони Маҷлиси Олии Ҷумҳурии Тоҷикистон дар Суди конститутсионии Ҷумҳурии Тоҷикистон интихоб гардид. Дар ин бора имрӯз зимни ҷаласаи навбатии палатаи поёнии Парлумони Тоҷикистон қарори дахлдор қабул шуд.

Тавре хабарнигори АМИТ «Ховар» иттилоъ медиҳад, мавсуф бо пешниҳоди Раиси Маҷлиси намояндагон ва ҷонибдории кулли вакилони мардумӣ ба ин мақом таъйин гардид.

Номбурда вакили Маҷлиси намояндагони Маҷлиси Олии Ҷумҳурии Тоҷикистон, даъвати шашум буда, дар мақомоти прокуратура ва вазифаҳои пурмасъули давлатӣ таҷрибаи зиёда аз 30-сола дорад.

«Толибхон Азимзода коргузории мамлакатро хуб медонад. Аз ин хотир, боварӣ дорем дар иҷрои вазифаи масъул ва мустаҳкам намудани қонунгузории конститутсионӣ саҳми назаррас мегузорад»,- иброз дошт Раиси комиссия оид ба назорати дастур ва ташкили кори Маҷлиси намояндагон Ҷамшед Муртазозода дар ҷаласа.

Толибхон Азимзода 25 ноябри соли 1959 дар Ҷумҳурии Тоҷикистон таваллуд шудааст. Маълумоташ олӣ буда, соли 1983 Донишгоҳи давлатии Тоҷикистон ба номи В. И. Ленинро (ҳоло Донишгоҳи миллии Тоҷикистон) бо ихтисоси ҳуқуқшинос хатм намудааст.

Номбурда то ин дам  ба ҳайси прокурори шуъбаи назорати умумии прокуратураи вилояти Хатлон (собиқ Қурғонтеппа), ёрдамчии калони прокурори вилоят оид ба назорату иҷро, муовини прокурори ноҳияи Ёвон, прокурори ноҳияи Бохтари вилояти Хатлон, муовини прокурори вилояти Хатлон — сардори Раёсати тафтишотии ҳамин прокуратура, прокурори ноҳияи Колхозобод (ҳоло Ҷ.Румӣ),  прокурори ноҳияи Панҷ, муовини аввали прокурори вилояти Хатлон, ёрдамчии калони прокурори вилояти Хатлон оид ба назорати иҷрои қонунҳо дар мақомоти амнияти миллӣ, прокурори назорати иҷрои қонунҳо дар муассисаҳои ислоҳии шаҳри Душанбе ва шаҳру ноҳияҳои тобеи ҷумҳурӣ фаъолият намудааст. Дорои рутбаи мушовири адлияи дараҷаи якум мебошад.

Вакили Маҷлиси намояндагони Маҷлиси Олии Ҷумҳурии Тоҷикистон, даъвати панҷум буд. 1 марти соли 2020 вакили Маҷлиси намояндагони Маҷлиси Олии Ҷумҳурии Тоҷикистон, даъвати шашум интихоб гардидааст.

Апрель 29, 2020 16:23

Хабарҳои дигари ин бахш

Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд