АҲСАНТ, БАРОДАР! Кумаки соҳибкори тоҷик дар Новосибирск халқияту миллатҳои дигарро хушҳол намуд

Май 13, 2020 17:06

ДУШАНБЕ, 12.05.2020 /АМИТ «Ховар»/. Дар пайи хуруҷи бемории сироятии Ковид-19 ва ҷорӣ гардидани карантин дар қаламрави Федератсияи Россия на танҳо муҳоҷирони меҳнатӣ аз Тоҷикистон, балки кулли кишварҳо муваққатан бекор мондаанд. Дар ин баробар дарсҳои донишҷӯён низ ҷиҳати ҳифзи саломатии онҳо ба таври фосилавӣ ва ё онлайн роҳандозӣ гардидаанд.

Тавре хабарнигори махсуси АМИТ “Ховар” дар Федератсияи Россия Садбарги БОҚӢ иттилоъ медиҳад, дар чунин рӯзҳои душвор ҷиҳати дастгирии чунин табақаи ниёзманд  соҳибкорони муваффақи тоҷик бо пайравӣ аз ташаббусҳои инсондӯстонаи Пешвои миллат муҳтарам Эмомалӣ Раҳмон иқдомҳои наҷиберо рӯйи даст гирифтанд. Аз ҷумла, тӯли ду рӯз аз ҷониби ҷавонмарди ватандӯст, ободкору боҳиммат Убайдулло Шоев барои садҳо донишҷӯи шаҳри Бердск ва Новосибирск,  зиёда аз 52 нафар коргарони корхонаи “Кирпичное”-и шаҳри Бердск ва дигар миллатҳои маскуни вилояти Новосибирск маводи ғизоӣ ва воситаҳои беҳдошти гигиенӣ тақсим гардид.

Вақте ки мардум ва халқияту миллатҳои гуногун кумакҳоро мегирифтанд, миннатдорию сипоси онҳоро ҳадду канор набуд. Хусусан ашки шодии модаре, ки аз Ҷумҳурии Қирғизистон буда, бо наберагони хурдсолаш дар Новосибирск кору зиндагӣ мекунад, ба қалбҳо бетаъсир набуд. Ӯ баъд аз хуруҷи ин беморӣ ва эълон шудани карантин ҷойи кори худро аз даст дода, бекор мондааст ва аз чунин амали неки соҳибкор Убайдулло Шоев хушҳол гардида, барои миллати соҳибноми тоҷик, ки чунин фарзандони соҳибхираду саховатпешаро ба воя расонидааст, даст ба дуо бардошт.

Амали неки Убайдулло Шоев дар   давраи мушкил барои тамоми ҷомеаи ҷаҳонӣ бори дигар аз ҳувияти баланд, тарбияи неку ахлоқи ҳамида доштани фарзандони миллати тоҷик ва бетафовут набудан нисбат ба рӯзгори миллатҳои дигар дарак медиҳад.

Май 13, 2020 17:06

Хабарҳои дигари ин бахш

«БАЧА АЗИЗ, ОДОБАШ АЗ ОН АЗИЗТАР…». Ба таълиму тарбияи фарзандон набояд бетарафӣ зоҳир намуд
Маркази тадқиқоти стратегии Тоҷикистон ва Институти байналмилалии Осиёи Марказӣ масоили ҳамкории илмию таҳлилиро баррасӣ намуданд
35-СОЛАГИИ ИСТИҚЛОЛИ ДАВЛАТӢ. Беморхонаи марказии ноҳияи Темурмалик пурра навсозӣ гардид
ЗАБОН ДОНӢ-ҶАҲОН ДОНӢ. Аз 1 апрел кормандони мақомоти давлатӣ, худидоракунии маҳаллӣ ва ташкилотҳои давлатӣ ба омӯзиши ҳатмии забонҳои хориҷӣ фаро гирифта мешаванд
Дар ноҳияи Айнӣ сеюмин ҳамоиши гирандагони стипендияи президентӣ баргузор шуд
НАВРӮЗИ ХУҶАСТАПАЙ МУЖДАИ НЕКИ БАҲОРИ ХУРРАМ. Дар Суғд Ҷашни байналмилалии Наврӯз бо шукуҳи хоса таҷлил шуд
Тоҷикистон терроризму ифротгароиро қотеона маҳкум менамояд
24 МАРТ — РӮЗИ ҶАҲОНИИ МУБОРИЗА БО БЕМОРИИ СИЛ. Ҳадаф аз он огоҳӣ, пешгирӣ ва мубориза бар зидди ин беморӣ мебошад
ИМРӮЗ ДАР ТОҶИКИСТОН — РӮЗИ ГУЛ ВА НИҲОЛШИНОНӢ. Соли 2023 дар ҷумҳурӣ беш аз 1 миллион бех ниҳоли дарахтони гуногун шинонида шуд
МАСЛИҲАТИ МУТАХАССИС. Истеъмоли гулкарам масунияти инсонро боло мебардорад
МАСЛИҲАТИ МУТАХАССИС. Истеъмоли ғизои солим беҳтарин роҳи ҳифзи солимии шахс мебошад
Кормандони Вазорати меҳнат, муҳоҷират ва шуғли аҳолӣ ҷашни Наврӯзро бо тантана таҷлил намуданд