COVID-19: Филиали Ассотсиатсияи Каритаси Германия ҷиҳати мубориза зидди пандемия кумаки озуқаворӣ ва беҳдоштӣ расонид

Май 16, 2020 09:59

ДУШАНБЕ, 16.05.2020 /АМИТ «Ховар»/. Филиали Ассотсиатсияи Каритаси Германия дар Тоҷикистон бо дастгирии молиявии Иттиҳоди Аврупо ва дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 26 тонна кумаки озуқаворӣ ва беҳдоштиро бо арзиши 33 ҳазор евро ба ноҳияҳои Шаҳритузу Айнӣ таҳвил дод. Дар ин бора аз шуъбаи иттилоотию таҳлилии дастгоҳи Раиси вилояти Хатлон ба АМИТ «Ховар» хабар доданд.

Кумаки башардӯстона дар ҳузури намояндагони мақомоти иҷроияи маҳаллии ҳокимияти давлатӣ ба оилаҳои осебпазир тақсим карда шуд. Дар ноҳияи Шаҳритуз 3000 оилаи дорои узви маъюб маҷмӯи беҳдошти шахсӣ, иборат аз ниқобу собуни моеъ ва маҳлули безараргардонӣ дарёфт намуданд. Аз миёни оилаҳои манфиатбаранда 700 хонаводаи камбизоат дар Шаҳритуз илова бар маҷмӯи беҳдоштӣ, инчунин бастаи озуқавории дорои орду равған, шакару макарон, биринҷу намак ва гӯгирд дастрас намуданд.

Ҳамчун чораи эҳтиётӣ 70 корманди тавонбахшӣ ва волонтёр дар Шаҳритуз, ки ба раванди тақсимот ҷалб гардида, минбаъд низ кори худро бо шахсони маъюб дар давраи пандемияи COVID-19 идома медиҳанд, бо маҷмӯи муҳофизатии шахсии иборат аз ниқобу дастпӯшакҳои яккарата ва маҳлули безараргардониву сачоқчаҳои намнок таъмин карда шуданд.  Ин амали хайрия бо мақсади эмин нигоҳ доштани оилаҳои осебпазир, алалхусус шахсони маъюб аз сирояти коронавирус анҷом дода шуд.

Май 16, 2020 09:59

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад