COVID-19. Машварати кории муовини Сарвазири Ҷумҳурии Тоҷикистон дар шаҳри Бӯстон

Май 14, 2020 13:14

ДУШАНБЕ, 14.05.2020 /АМИТ «Ховар»/. 13 май таҳти раёсати муовини Сарвазири Ҷумҳурии Тоҷикистон Ширин Исматуллозода дар шаҳри Бӯстони вилояти Суғд оид ба пешгирии паҳншавии бемории сироятии коронавирус (COVID-19) ҷаласаи ситоди доимоамалкунанда баргузор гардид. Дар ин бора аз шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон ба АМИТ «Ховар» хабар доданд.

Дар машварати корӣ раиси шаҳри Бӯстон Раъно Ҳошимзода, муовини якуми Раиси Кумитаи кор бо занон ва оилаи назди Ҳукумати Ҷумҳурии Тоҷикистон Нигорахон Ғаффорзода, масъулини муассисаҳои тандурустии шаҳр, Маркази назорати давлатии санитарию эпидемиологӣ,  масъулини шуъбаи рушди иҷтимоӣ ва робита бо ҷомеаи дастгоҳи раиси шаҳр, бахши кор бо ҷавонон ва варзиш, Кумитаи иҷроияи Ҳизби Халқии Демократии Тоҷикистон дар шаҳр ва дигар масъулин ширкат намуданд.

Зимни машварат  сартабиби беморхонаи шаҳрӣ Умедҷон Абдуллоев оид ба вазъи пешгирӣ ва паҳншавии бемории сироятии коронавирус ҳисобот дод.

Сипас муовини Сарвазири Ҷумҳурии Тоҷикистон Ширин Исматуллозода ҷиҳати пурзӯр намудани гардиши хонагӣ аз ҷониби табибони оилавӣ, таъмин намудани мутахассисон бо лавозимоти зарурӣ, вусъати корҳои тарғиботиву ташвиқотӣ, даъвати аҳолӣ ба риояи қоидаҳои беҳдоштӣ ва амсоли он ба масъулин дастуру супоришҳои мушаххас дод.

Зикр шуд, ки ҳамарӯза дар шаҳр вазъият зери назорат қарор дошта, фаъолияти масъулин тақвият меёбад.

Май 14, 2020 13:14

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»