ГАШТУГУЗОР БЕ НИҚОБ ҚАТЪИЯН МАНЪ АСТ! Идомаи амалиёти профилактикӣ ва фаҳмондадиҳӣ аз ҷониби милитсияи пойтахт

Май 15, 2020 09:33

ДУШАНБЕ, 15.05.2020 /АМИТ «Ховар»/. Гурӯҳҳои мобилии милитсияи пойтахт дар дӯкону фурӯшгоҳ ва мағозаҳои фурӯши хӯроки умумӣ, инчунин дар кӯчаву хиёбонҳои шаҳри Душанбе ҷиҳати риояи қоидаҳои беҳдоштӣ бо шаҳрвандон суҳбатҳои профилактикӣ гузарониданд. Дар ин бора аз Раёсати Вазорати корҳои дохилӣ дар шаҳри Душанбе ба АМИТ “Ховар” хабар доданд.

Тавре қаблан иттилоъ додем, кормандони милитсияи пойтахт чанд муддат аст, ки ҷиҳати пешгирии гирифторшавии одамон ба коронавирус ва риояи масофаи иҷтимоию истифодаи ниқобҳои муҳофизатии тиббӣ дар кӯчаҳои пойтахт корҳои фаҳмондадиҳӣ баргузор намуда истодаанд.

Аз ҷумла, дар ҷараёни баргузории чунин як чорабинии профилактикӣ ҳолатҳои зиёди риоя накардани талаботе, ки аз ҷониби Ситоди ҷумҳуриявӣ муқаррар гардидаанд, аз ҷониби фурӯшандагону савдогарон ба қайд гирифта шуданд. Ин қоидаҳоро махсусан тоҷирону фурӯшандагони нуқтаҳои фурӯши маҳсулоти хӯрокворӣ бояд ба таври қатъӣ риоя намоянд. Зеро онҳо ҳангоми кор бо шаҳрвандони зиёде рӯ ба рӯ мешаванд ва чунин беаҳамиятӣ метавонад, пеш аз ҳама, худи онҳо ва дигар шаҳрвандонро зери хатари гирифторшавӣ ба ин беморӣ гузорад.

Кормандони милитсияи пойтахт бо нафароне, ки зимни баргузории ин амалиёти профилактикӣ дар марказҳои савдо ва нуқтаҳои фурӯши маҳсулоти хӯрокворӣ бе ниқоб мегаштанд, суҳбату корҳои фаҳмондадиҳӣ гузарониданд.

Ин тасмим дар доираи тавсия ва талаботи ҷоригардида аз ҷониби Ситоди ҷумҳуриявӣ оид ба пешгирии коронавирус  амалӣ карда мешавад, ки гаштугузори шаҳрвандон дар кӯчаву хиёбон ва дигар ҷойҳои ҷамъиятиро бо ниқобҳои муҳофизатӣ ҳатмӣ медонад.

Раёсати Вазорати корҳои дохилӣ дар шаҳри Душанбе аз кулли шаҳрвандон эҳтиромона хоҳиш менамояд, ки ҳангоми гаштугузор қоидаҳои беҳдоштиро риоя намуда, зимни аз хона баромадан ба таври ҳатмӣ аз ниқобҳои тиббии муҳофизатию нигоҳ доштани масофаи иҷтимоӣ истифода намуда, саҳми худро дар ҳифзи солимии ҷомеа гузоранд.

Май 15, 2020 09:33

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст