«ШИФО ВА ҲАМДИЛӢ». Таҳти чунин унвон корвони 25 мошини борбар бо маводи доруворӣ ва лавозимоти тиббӣ озими Хатлон шуд

Май 9, 2020 16:46

ДУШАНБЕ, 09.05.2020 /АМИТ «Ховар»/. Имрӯз, 9 май, бо ташаббуси хайрхоҳонаи соҳибкори ватанӣ Шамсулло Соҳибов корвони иборат аз 25 мошини борбар барои кумак расонидан ба сокинони вилояти Хатлон, ки дар муассисаҳои тиббӣ бистарӣ шудаанд, ба шаҳри Бохтар ворид гардид, хабар медиҳад АМИТ «Ховар» бо истинод ба шуъбаи иттилоотию таҳлилии дастгоҳи раиси вилоят.

Ба иттилои манбаъ, дар доираи ин иқдом, ки таҳти унвони «Шифо ва ҳамдилӣ» амалӣ мегардад, муассисаҳои тандурустии ҳамаи шаҳру ноҳияҳои вилояти Хатлон бо лавозимоти тиббӣ, аз ҷумла маводи гуногуни доруворӣ, либосҳои тиббии муҳофизатӣ, айнакҳои тиббии муҳофизатӣ, дастпӯшакҳо, ниқобҳои тиббӣ, хилъатҳо, маводҳои антисептикӣ, маводҳои поккориву тамизкорӣ ва ғайра пурра ба тариқи ройгон таъмин карда мешаванд. Кумакҳои мазкур дар маҷмӯъ зиёда аз дусад ҳазор бастаро ташкил медиҳад.

Раиси вилояти Хатлон Қурбон Ҳакимзода дар маросими қабули корвони лавозимоти тиббӣ зикр намуд, ки ин ташаббуси соҳибкор Шамсулло Соҳибов аз дастуру ҳидоятҳои Асосгузору сулҳу ваҳдати миллӣ – Пешвои муазами миллат, Президенти Ҷумҳурии Тоҷикистон муҳтарам Эмомалӣ Раҳмон сарчашма мегирад. Доир ба ин дар Паёми шодбошиии Роҳбари давлат ба муносибати Рӯзи Ғалаба зикр шуда буд: «Умедворам, ки дар ин кори хайр соҳибкорони бо нангу номуси мо ва дигар шахсони ватандӯсту саховатпеша мисли ҳарвақта пешсафу намуна хоҳанд буд. Муҳимтар аз ҳама, дар ин марҳилаи ҳассос мо бояд дасти якдигарро гирем, кумаку ғамхорӣ ба ятимону маъюбон, шахсони ниёзманду бесаробон ва оилаҳои камбизоатро фаромӯш насозем, баръакс, дар ин шабу рӯзҳо ҳимматбаланд бошем, амалҳои хайру савоб ва эҳсонкориро бештар намоем. Ҳамчунин, бояд табибонро, ки имрӯзҳо барои саломатии мардум шабонарӯзӣ заҳмат кашида истодаанд, дастгирӣ кунем».

Ташаббуси инсондӯстона ва ватанпарастонаи соҳибкор дар шароити доман паҳн намудани бемории сироятии коронавирус дар миқёси олам ва эҳтиёҷоти воқеии соҳаи тандурустии вилоят заруру саривақтӣ буда, ин кумакҳо ба ниёзмандон, беморон ва табибон сарф мешавад.

Раиси вилоят аз номи мақомоти иҷроияи ҳокимияти давлатии вилояти Хатлон ба соҳибкор Ш. Соҳибов миннатдорӣ баён намуда, изҳори умедворӣ кард, ки дигар соҳибкорони ватани азизамон низ ба чунин иқдомҳои хайрхоҳона ва башардӯстона, ки дар ин давру замон барои ҳар як бемору эҳтиёҷманд муҳим ва саривақтӣ арзёбӣ мегардад, пайравӣ мекунанд.

Корвони мошинҳои ҳомили маводи доруворӣ ва лавозимоти тиббӣ худи ҳамин рӯз бо роҳбаладии намояндагони мақомоти иҷроияи ҳокимияти давлатии вилояти Хатлон ба ҳамаи 25 шаҳру навоҳии вилоят сафарбар гардиданд.

Май 9, 2020 16:46

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»