ТАБИБОН ҚУВВАТУ ДАРМОНИ ҶОНАНД! Эъто ба Рӯзи байналмилалии якдилии меҳнаткашон

Май 1, 2020 13:53

ДУШАНБЕ, 01.05.2020 /АМИТ «Ховар»/. Рӯзи байналмилалии якдилии меҳнаткашонро ҳамасола дар тамоми ҷаҳон ва дар Ҷумҳурии Тоҷикистон, ки ҷузъи ҷудонопазири ҷомеаи ҷаҳонӣ мебошад, таҷлил менамоянд. Дар Тоҷикистон ин ид ба қатори идҳои давлатии бидуни истироҳат дохил мебошад. Таҷлили ин иди касбӣ нигоҳ ба ҳуқуқи меҳнати кормандон, ҳуқуқ ба истироҳат ва дигар кафолату ҷубронҳое, ки қонун барои меҳнаткашон пешбинӣ намудааст, мебошад.

Дар ин шабу рӯз меҳнати он нафаронеро, ки ҷони худро барои ҳифзи саломатии сокинони мамлакаташон бахшидаанд, бояд қадр кард ва эътироф намуд, зеро онҳо шабу рӯз бидуни истироҳат фаъолияти меҳнатиашонро ба роҳ мондаву байни ҳаёту мамот мубориза мебаранд.

Дар суҳбат бо хабарнигори АМИТ «Ховар» муовини аввали раиси Федератсияи Иттифоқҳои касабаи мустақили  Тоҷикистон  Исмоил Файзизода иброз намуд, ки таҷлили ин сана ба ифтихори олитарин ва арзиштарин инсонҳоест, ки меҳнати софдилонаро барои Ватанашон мекунад. Бинобар ин саҳми аҳли кормандони соҳаи тибро дар вазъияти имрӯза наметавон нодида гирифт.

«Тавре огоҳем, имрӯз Пешвои миллат муҳтарам Эмомалӣ Раҳмон аз ҳисоби Фонди захиравии Президенти Ҷумҳурии Тоҷикистон барои кормандони соҳаи тандурустӣ ва ҳифзи иҷтимоии аҳолӣ, ки бевосита дар раванди ташхис ва табобати сирояти COVID-19 дар муассисаҳои табобатӣ ва таҳти карантин қарордодашуда иштирок менамоянд, 12,4 миллион сомонӣ (дувоздаҳ миллиону чорсад ҳазор сомонӣ) маблағ ҷудо намуданд», — гуфт И. Файззода ва даъват намуд, ки пас биёед ин ташаббуси Сарвари давлатро сармашқи кори худ қарор дода, барои кормандони соҳаи тиб ҳадди ақал коре карда бошем, чунки ин аст ҳимматӣ ва бузургии ҳар инсони соҳибхирад”.

Номбурда тазаккур дод, ки дар хатти пеши мубориза бо ин вабои аср дар ҳама зовияҳои олам табибон қарор доштанду доранд ва табиист, дар чунин ҳолатҳо, албатта, маҳз онҳо бештар байни ҳаёту мамот  талош хоҳанд намуд.

Дар идомаи ин гуфтаҳо И. Файззода зикр намуд, ки омори СУТ гувоҳи ҳол аст, ки дар мубориза бо COVID-19 дар саросари ҷаҳон кормандони соҳаи тиб сирояти бештар ёфтаанду талафоти зиёдтар доштаанд. Дар баробари ин, ҳазорҳо нафар духтурон, ҳамшираҳои шафқат ва дар умум, кормандони беморхонаҳо ҳар лаҳза ба ин вирус мубтало гардидаю шумораи қурбониён аз ҳисоби кормандони тиб меафзояд.

«Дар чунин шароит мо бояд беш аз ҳар вақти дигар сарҷамъу муттаҳид бошем, содиқонаву софдилона ва поквиҷдонона заҳмат кашем, садоқату ҷавонмардӣ ва ҷоннисории худро нисбат ба Ватан, давлат ва халқамон собит намоем, меҳру муҳаббати инсониро фаромӯш насозем ва нисбат ба якдигар ғамхору меҳрубон бошем, ёдовар шуд ӯ аз суханони зимни иҷлосияи нахустини Маҷлиси миллӣ ироагардидаи Пешвои миллат ва дар пайравӣ ба онҳо илова намуд, ки пас биёед табибонро дастгирӣ намоем, зеро онҳо қуввату дармони ҷони мову шумо мебошанд».

АКС аз манбаъҳои дастрас

Май 1, 2020 13:53

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»