ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТ: Идомаи корҳои ободонию бунёдкорӣ дар ноҳияи Ховалинг
ДУШАНБЕ, 8.06.2020 /АМИТ «Ховар»/. Бахшида ба 30-солагии Истиқлолияти давлатии Ҷумҳурии Тоҷикистон дар ноҳияи Ховалинг корҳои ободонию бунёдкорӣ бомаром идома доранд. Дар ин давра дар ҷамоати деҳоти Шугнови ноҳияи мазкур сохта ба истифода додани 60 иншоот ба нақша гирифта шуда, то имрӯз аксари иншоот мавриди баҳрабардорӣ қарор дода шудаанд.
Тавре раиси ҷамоати деҳоти Шугнов Изатулло Файзов иттилоъ дод, ҳоло бо дастгирии мақомоти иҷроияи ҳокимияти давлатии ноҳияи Ховалинг ва ҷалби соҳибкорон дар маркази ҷамоат сохтмони бинои дуошиёнаи маъмурии ҷамоат иборат аз 6 утоқи корӣ, толори маҷлис барои 60 ҷойи нишаст оғоз гардидааст. Дар корҳои сохтмонии нишооти мазкур 8 нафар сохтмончиён ва мутахассисони маҳалӣ ҷалб шудаанд.
Инчунин соҳибкорон корҳои бунёдкориро дар иншооти боғчаи бачагона барои сад ҷой вусъат бахшиданд. Бинои боғча аз ду ошиёна иборат буда, тибқи лоиҳа он ҷавобгӯ ба талаботи замони имрӯза бунёд мегардад. Мутахасисон ва сохтмончиён бо ҷойи хоб, се вақт хӯрок ва музди меҳнат сари вақт таъмин мебошанд.
Ҳоло яке аз мушкилоти асосии сокинони ҷамоати деҳоти Шугнов валангор гардидани роҳ аз маркази ноҳия то ҷамоати деҳот ва деҳаи Шугнов мебошад. Барои сангфарш намудани роҳ роҳбарияти ҷамоати деҳот соҳибкорони маҳаллӣ ва сокинони деҳотро ҷалб намуда, бо истифода аз техникаҳои Муассисаи давлатии нигоҳдории роҳҳои автомобилгарди ноҳия сангфаршкунии роҳ дар деҳаи Рубот идома дорад. Баъди анҷоми сангфаршкунӣ як қисмати роҳ мумфарш карда мешавад. Корҳои сохтмонӣ дар иншооти ҷашни ва сангфаршкунии роҳ то ҷашни 30- солагии Истиқлолияти давлатии Ҷумҳурии Тоҷикистон ба анҷом расонида мешавад.
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
