Зуҳури «Авранг 1»

Душанбе, 8 август. (АМИТ «Ховар», Фирӯза Давлатова).-Боз як ҳафтаномаи хусусии ҷадид бо номи «Авранг 1» дар Вазорати фарҳанги Ҷумҳурии Тоҷикистон таҳти рақами 0321/рз ба қайд гирифта шуд.

Шумораи нахустини ҳафтанома фардо бори нахуст бо маводи ҷолибу хонданӣ дар тамоми нуқтаҳои фурӯши рӯзномаҳо ба фурӯш гузошта мешавад.

Тибқи иттилои муассис ва директори ҳафтанома Муҳаммад Восеъ он бештар ба масоили ҷамъиятӣ дахл менамояд ва инчунин дар он маводи таблиғотӣ низ ҷой дода мешавад. Мақсад аз ташкили рӯзномаи «Авранг 1» васеъ намудани фазои иттиоотии кишвар аст.

Мавриди зикр аст, ки ҳафтанома дар ҶДММ «Mega-print» чоп мешавад ва адади нашри он 1200 нусхаро ташкил медиҳад.