10 000 доллар мукофоти ВКД барои ошкор кардани ҷинояткорон

Ноябрь 9, 2015 04:44

Душанбе, 09.11.2015. (АМИТ «Ховар»).-Вазорати корҳои дохилии Ҷумҳурии Тоҷикистон барои ошкор кардани ҷинояткороне, ки рӯзи 7 ноябри соли равон ду корманди комиссариати ҳарбии ноҳияи Синои шаҳри Душанберо ба ҳалокат расониданд, дар ҳаҷми 10 000 доллари ИМА  мукофот таъийн кард.    Хотиррасон мекунем, ки  7 ноябри соли равон  тахминан соати 07.20 шахсони номаълум ҳангоми дар кӯчаи Деҳотии шаҳри Душанбе қарор доштан бо кормандони Комиссариати ҳарбии ноҳияи Сино, лейтенанти калон Темурхон Эгамбердиев, майор Пулод Мирзоев, прапоршик Ҳамза Насибов ва ронандаи комиссариати мазкур Рустам Саъдуллоев муноқиша карда, бо корд номбурдагонро захмӣ карда, аз ҷойи ҳодиса ғайб мезананд. Дар натиҷа П. Мирзоев ҷароҳати вазнини ҷисмонӣ бардошта, дар ҷойи ҳодиса ба ҳалокат расида, дигарон бо ҷароҳатҳои гуногун дар беморхона бистарӣ шудаанд. Пас аз чанд муддат шаҳрванд Ҳ. Насибов низ дар беморхона ба ҳалокат расидааст. Барои муайян ва дастгир намудани ҷинояткорон чорабиниҳои фаврӣ-ҷустуҷӯӣ идома доранд.
Навори видеоии шахсони дар куштор гумонбаршуда пешкаш карда мешавад.    
Аз тамоми шаҳрвандоне, ки оид ба ҳодисаи куштор ва шахсияти ҷинояткорони дар он дастдошта маълумот доранд, эҳтиромона хоҳиш карда мешавад, ки ба мақомоти милитсия бо телефонҳои 02, 102, 221-21-21, 221-15-00.хабар расонанд.
Касе, ки дар бораи гунаҳгорони ин ҷиноят ва ҷои пинҳоншавии онҳо маълумоти дақиқ медиҳад, соҳиби 10 000 доллари амрикоӣ мешавад. Шахсияти нафари маълумотдода пинҳон нигоҳ дошта мешавад.

Ноябрь 9, 2015 04:44

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт