07033- қисми ҳарбии намунавӣ дар Қувваҳои мусаллаҳ

Февраль 21, 2015 10:11

Душанбе, 21.02.2015. (АМИТ «Ховар», Лайло Тоирӣ). -Вобаста ба иҷрои Паёми навбатии Президенти мамлакат ба Маҷлиси Олӣ ва дар ин замина хубтар роҳандозӣ намудани ҷараёни даври зимистонаи омӯзиш дар Қувваҳои Мусаллаҳ масъулини Вазорати дифои мамлакат нақшаи чорабиниҳо ва барномаҳои муосири таълимиро, таҳия намуда, ба ҳайати шахсии афсарону cарбозони қисму воҳидҳои ҳарбии ин ниҳоди қудратӣ пешниҳод намуданд.
Дар баробари дигар навъҳои қӯшун ин давраи таҳсил дар Қувваҳои ҳарбӣ-ҳавоӣ ва мудофиаи зиддиҳавоӣ низ бо маром ҷараён дошта, бо дастрасии мавзӯъҳои муҳими ин соҳа роҳбарони машғулиятҳо кӯшиш намудаанд, ки бо ҷалби ҳайати шахсии афсарони неруҳои ҳарбӣ-ҳавоӣ, ки масъулияти таъмини фазоии кишварро бар уҳда доранд, соатҳои дарсиро ба таври назариявӣ ва бо ташкили парвозҳои омӯзишӣ амалӣ намоянд.
Қисми ҳарбии 07033 аз қисмҳои ҳарбии намунавӣ дар ҳайати Қувваҳои ҳарбӣ-ҳавоӣ ва мудофиаи зиддиҳавоӣ ба шумор рафта, ҳайати шахсии он дар иҷрои вазифаҳои хизматӣ, ки як самти фаъолияти онҳо таъмину муҳофизати истгоҳҳову объектҳои ҳарбии ин навъи қӯшун аст, хеле пурмасъул мебошанд.
Шароитҳои фароҳам овардашуда дар ин қисми ҳарбӣ мусоид барои омӯзиши ҳама гуна фанҳои низомӣ буда, имконият медиҳанд, ки афсарону сарбозон сари вақт ва дар сатҳи зарурӣ барномаҳои таълимии даври зимистонаи таҳсилро аз худ намоянд.

Февраль 21, 2015 10:11

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад