Парламент ҳайати нави КМИР ҶТ-ро тасдиқ кард

Декабрь 9, 2014 12:19

Душанбе, 9.12.2014.(амит „Ховар“, Марзия Саидзода).- Парлумони Тоҷикистон 9 декабр дар асоси пешниҳоди Президенти кишвар ҳайати нави Комиссияи марказии интихобот ва раъйпурсии Ҷумҳурии Тоҷикистон, аз ҷумла раис, муовини раис ва аъзои ин ниҳоди масъул ба баргузории интихобот дар мамлакатро тасдиқ кард. Ҳамин тариқ, тибқи моддаи 69 Конститутсия (Сарқонун)-и Ҷумҳурии Тоҷикистон ва банди 2 моддаи 11 Қонуни конститутсионии Ҷумҳурии Тоҷикистон “Дар бораи интихоботи Маҷлиси Олии Ҷумҳурии Тоҷикистон” раис, муовини раис ва 13 нафар аъзои Комиссияи марказии интихобот ва раъйпурсии Ҷумҳурии Тоҷикистон бо пешниҳоди Президенти кишвар аз ҷониби Маҷлиси намояндагони Маҷлиси Олӣ дар давоми 3 рӯзи баъд аз эълон шудани интихобот интихоб гардиданд. Дар асоси пешниҳоди Президенти кишвар Эмомалӣ Раҳмон, Шермуҳаммад Шоҳиён /ғайриҳизбӣ/ раиси Комиссияи марказии интихобот ва раъйпурсии ҷумҳурӣ, Саидбой Зокиров -муовини раиси КМИР /раиси Федератсияи Иттифоқҳои касабаи вилояти Суғд/, инчунин Вера Наимова /дотсенти кафедраи маданиятшиносӣ, омӯзгорӣ ва равоншиносии Донишгоҳи славянии Тоҷикистону Русия, Муҳистон Азизова /директори муассисаи таҳсилоти миёнаи умумии №98-и шаҳри Турсунзода/, Изатулло Алиев /директори дирексияи муассисаи давлатии фарҳангии фароғатии „Пойтахт-80“/, Олима Ёрматова /директори муассисаи таҳсилоти миёнаи умумии №38-и шаҳри Душанбе/, Акбаралӣ Сатторов /раиси Иттифоқи рӯзноманигорони Тоҷикистон/, Нуралӣ Саидов- котиби ҳамоҳангсози Шӯрои ҷамъиятии Ҷумҳурии Тоҷикистон, Зиё Раҳмон /муовини директори муассисаи давлатии Маркази ҷумҳуриявии ташаккули тарзи ҳаёти солими Вазорати тандурустӣ ва ҳифзи иҷтимоии ҷумҳурӣ, Ҷамолиддин Маҳмудов/мушовири раиси Ҳизби наҳзати исломии Тоҷикистон/, Маҳмадёр Раҷабов /мудири қафедраи ҳуқуқи байналмилалии факултаи ҳуқуқшиносии Донишгоҳи миллии Тоҷикистон/, Юсуфбек Шодмонбеков -мушовири ректор оид ба масъалаҳои ҳуқуқии Донишгоҳи давлатии шаҳри Хоруғ ба номи Назаршоев, Ҷамшед Ҷамшедов / котиби илмии Институти фаласа, сиёсатшиносӣ ва ҳуқуқи ба номи Академик Баҳовуддинови Академияи илмҳои ҷумҳурӣ/, Муҳаммадборон Зоиров /сардори шуъбаи корхонаи воҳиди давлатии оид ба нархгузории Кумитаи давлатии сармоягузорӣ ва идораи амволи давлатии ҷумҳурӣ/ ва Муҳаббат Файзова /раиси ҷамоати шаҳраки Обикиики ноҳияи Хуросони вилояти Хатлон/ аъзои КМИР интихоб гардиданд. Хабарнигори АМИТ „Ховар“ иттилоъ медиҳад, ба ҳайати Комиссияи марказии интихобот ва раъйпурсии Ҷумҳурии Тоҷикистон намояндагони тамоми аҳзоби сиёсии кишвар, назири Ҳизби халқӣ -демократии Тоҷикистон, Ҳизби аграрии Тоҷикистон, Хизби коммунистии Тоҷикистон, Ҳизби ислоҳоти иқтисодии Тоҷикистон, Ҳизби наҳзати исломии Тоҷикистон ва Ҳизби сотсиалистии Тоҷикистон, ки расман ба бақайд гирифта шудаанд, шомил мебошанд. Бояд тазаккур дод, ки Шермуҳаммад Шоҳиён- раиси Комиссияи марказии интихобот ва раъйпурсии Ҷумҳурии Тоҷикистон ғайриҳизбӣ буда, дорои унвони ҳуқуқшиноси шоистаи Тоҷикистон аст. Мавсуф аз моҳи феврали соли 2011 дар вазифаи раиси Комиссияи марказии интихобот ва раъйпурсии Ҷумҳурии Тоҷикистон фаъолият дорад.

Декабрь 9, 2014 12:19

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт