РУСҲО ҲАМКОРИРО БО “КӮЛОБ ТЕКСТАЙЛ” ҚАТЪ НАМУДАНД

Ноябрь 19, 2009 14:42

                  Кӯлоб, 19 ноябр. (АМИТ “Ховар”, Сулаймон Холов).- Раиси шаҳри Кӯлоб Ҳамид Абдуллоев, ки дар нахустин рӯзҳои раисиаш эълон карда буд, ки Кӯлобро ба як шаҳри саноатӣ табдил медиҳад, акнун дар ҳалли мушкилоти корхона, яъне таъмин кардан бо қувваи барқ мушкилӣ мекашад.                   Корхонаи ресандагии шаҳри Ивановои Русия ҳамкориро бо корхонаи ресандагии “Кӯлоб Текстайл” муваққатан қатъ намудааст. Обиддин Неъматов, ҷонишини роҳбари корхонаи мазкур мегӯяд, харидорӣ аслии маҳсулоти онҳо маҳз ҳамин корхона ба шумор мерафт, ки акнун бо сабаби бӯҳрони ҷаҳонии молӣ аз харидории маҳсулот даст кашидааст. Ин дар ҳолест, ки то моҳи гузашта корхона бо иқтидори пурра ришта истеҳсол намуда, онро ба Русия интиқол медод. Ба гуфтаи ӯ, мутаасифона “Кӯлоб Текстайл” ба ҷуз ин корхона бо дигар корхонаҳои хориҷӣ шартнома надошт ва дар ҳамин маврид шартнома бастан низ ғайримумкин гаштааст. Ҷаноби Неъматов мегӯяд, ҳоло иқтидори истеҳсоли қаблии корхона ба маротиб коҳиш ёфтааст.                     Ба истилоҳ, болои сӯхта намакоб барин идораи барқи шаҳри Кӯлоб низ пайваста барқро дар ин корхона қатъ мекунад, ки ин амал низ боиси поён рафтани истеҳсолот мегардад.                     Ин ҳам дар ҳолест, ки ба гуфтаи масъулини ин корхона риштаи истеҳсолии онҳо ба талаботи байналмиллӣ ҷавобгӯст. Аммо мутаассифона дар дохили кишвар он харидор надорад. Зеро дар Тоҷикистон корхонаи бузурге, ки тамоми риштаи истеҳсолии “Кӯлоб Текстайл”-ро харидорӣ ва аз он маҳсулот омода кунад, вуҷуд надорад. Дар ҳамин маврид коршиносони маҳаллӣ мегӯянд, корхонаҳои саноатии Тоҷикистон замони шӯравӣ ва барои тамоми ин иттиҳоди пурқудрат бунёд ёфта буданд. Риштаи истеҳсолии ин коргоҳ замони шӯравӣ ба Украина ва Русия, ки ҷузъе аз ин иттиҳод маҳсуб меёфтанд, барои омода кардани маҳсулоти пахтагӣ ирсол мегардид. Аммо ин сиёсати иқтисодии шӯравӣ пас аз пош хӯрдан ба корхонаҳои саноатии Тоҷикистон зарари ҷиддӣ ворид намуда, ҳатто боиси аз байн рафтани бархеи онҳо гардид.                     Корхонаи ресандагии “Кулоб Текстайл” аз бузургтарин корхонаи истеҳсоли ришта дар вилояти Хатлон маҳсуб меёбад. Дар ҳоле, ки шартномаи фурӯши риштаро бо корхонаи ресандагии шаҳри Ивановои Русия қатъ кардааст, акнун масъулини корхона дар ҷустуҷӯи ҳамкорони нав қарор доранд. 

Ноябрь 19, 2009 14:42

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад