Гӯшаи асарҳои Мӯъмин Қаноат

Хоруғ, 25 июн. (АМИТ «Ховар», Л.Додо ). –Ба ифтихори 80 - солагии Шоири халқии Тоҷикистон Мӯъмин Қаноат дар Китобхонаи марказии ба номи Абӯабдуллои Рӯдакӣ гӯшаи эҷодиёти шоир кушода шуд.

Дар он аз нахустин китоби «Шарора», ки дар ибтидои солҳои 60 – уми қарни 20 рӯи чоп омада буд, то достонҳои «Мавҷҳои Днепр», «Суруши Сталинград», «Тоҷикистон исми ман» ва ғайра ба маърази намоиш гузошта шудаанд.

Гӯшаро ҳамчунин тарҷумаҳои ин қаламкаши номӣ ва мақолоте, ки перомуни эҷодиёти ӯ дар рӯзномаю маҷаллаҳо ва баёзҳои алоҳидаи шаҳри Маскав, кишварҳои Булғористон, Олмон, Лаҳистон, Эрон, Ҳиндустон ва кишварҳои дигари ҷаҳон чоп шудаанд, оро медиҳанд.