http://khovar.tj/ ru "Ховар" - Агентии Миллии Иттилоотии Точикистон http://khovar.tj/yandexlogo.gif http://khovar.tj/ DataLife Engine http://khovar.tj/society/27984-abdura1203im-aliev-man-digar-uzvi-guru1203i-tashabbuskor-nestam.html Иҷтимоиёт Payrav Sat, 18 May 2013 16:46:14 +0500 Душанбе, 18 май. (АМИТ “Ховар”). - Абдураҳим Алиев бо пешниҳоди ариза ба унвони роҳбари гуруҳи ташаббускори ҳизби номнависнашудаи “Тоҷикистони нав” Зайд Саидов хоҳиш намудааст, ки ӯро аз гуруҳи ташаббускор хориҷ намоянд. Ҳамчунин, А. Алиев дар аризаи худ ҷиҳати баромадан аз Ассотсиатсияи “Истеҳсолотчиён ва соҳибкорони Тоҷикистон” таъкид кардааст. Мавриди зикр аст, ки чанд рӯз қабл узви дигари гуруҳи ташаббускор Ҷамшед Ҳафизов - муовини Директори ширкати “Тоҷиксохтмон-Байналмилал” барои қатъи фаъолияти худ ҳамчун узви гуруҳи ташаббускори ҳизби номнависнашудаи “Тоҷикистони нав” расман изҳорот пешниҳод намуда буд.   http://khovar.tj/foreign-policy/27983-o1171ozi-forumi-so1203ibkorii-dushanbe-2013-bo-1179iroati-1178uroni-karim.html Сиёсати хориҷӣ Payrav Sat, 18 May 2013 13:40:39 +0500 Душанбе, 18 май. (АМИТ «Ховар», Афшини Муқим).- Имрӯз дар Бӯстонсарои ҳукуматии беҳруназшаҳрии «Пуғус» дар чаҳорчӯбаи вохӯрии солонаи 38-уми Шӯрои мудирони Бонки Исломии Рушд бо дастгирии Корпоратсияи исломӣ оид ба рушди бахши хусусии Гӯруҳи Бонки Исломии Рушд ва таҳти сарпарастии Президенти Ҷумҳурии Тоҷикистон Эмомалӣ Раҳмон дар ҳамкорӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон «Форуми соҳибкории Душанбе- 2013» баргузор гардид.  Дар кори Форум муовини аввали Сарвазири Ҷумҳурии Тоҷикистон Матлубхон Давлатов, муовини Сарвазири Ҷумҳурии Тоҷикистон Муродалӣ Алимардонов, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов, Директори Корпоратсияи хусусӣ оид ба бахши хусусӣ Холид- ал- Абудӣ, роҳаброни вазорату идораҳои давлатӣ, намояндагони бахши хусусӣ, аз ҷумла сармоягузорону соҳибкорони кишварҳои аъзои БИР иштирок намуданд. Форуми мазкур бо қироати оятҳое аз Қуръони карим оғоз ёфт. Сипас, муовини Сарвазири Ҷумҳурии Тоҷикистон Муродалӣ Алимардонов ва Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Давлаталӣ Саидов дар назди ҳозирин суханронӣ намуда, меҳмонон ва иштирокчиёни Форумро хайрамақдам гуфтанд. Матлубхон Давлатов – муовини авали Сарвазири Ҷумҳурии Тоҷикистон дар суханронии худ аз вазъи кунунии иқтисодӣ дар кишвар ва мавҷудияти имконоти зиёд дар самти рушди ҳамкориҳои босамар бо ниҳодҳои байналмилалии молиявӣ, аз ҷумла Бонки Исломии Рушд сухан гуфта, ҳавасмандии ҷониби Тоҷикистонро барои вусъати босамари ҳамкориҳо баён дошт. Баъдан, Директори Корпоратсияи хусусӣ оид ба бахши хусусӣ Холид- ал- Абудӣ аснои суханронии худ аз сатҳи феълии ҳамкориҳои Бонки Исломии Руш бо кишварҳои аъзо, аз ҷумла бо Тоҷикистон, ки ҳанӯз аз соли 1997 аъзои ин ниҳоди муътабари моливӣ мебошад, изҳори қаноатмандӣ намуд. Мавсуф баргузории вохӯрии солонаи 38-уми Шӯрои мудирони Бонки Исломии Рушд дар Тоҷикистонро фоли нек хонда, таъкид дошт, ки ин омил ҷиҳати рушди ҳамкориҳои кишварҳои аъзо бо Тоҷикистон нақши муассир хоҳад гузошт. Хамчунин дар доираи Форуми мазкур иштирокдорони он мавзӯоти дигари мавриди таваҷҷуҳро низ баррасӣ намуданд. Зимнан, Корпоратсияи Исломии Рушд ташкилоти бисёрҷониба буда, аъзои Гуруҳи Бонки Исломии Рушд мебошад ва ҳадафи асосии он дастгирии рушди иқтисодӣ ва мусоидат ба инкишофи бахши хусусӣ дар мамлакатҳои аъзоин он тавассути сармоягузорӣ мебошад. http://khovar.tj/foreign-policy/27982-muzokiroti-sat1203i-olii-to1207ikistonu-tailand.html Сиёсати хориҷӣ Payrav Fri, 17 May 2013 17:22:41 +0500 Душанбе, 17 май (АМИТ «Ховар»).- Музокироти расмии сатҳи олӣ миёни Тоҷикистону Таиланд дар мулоқоти Президенти Ҷумҳурии Тоҷикистон Эмомалӣ Раҳмон бо Сарвазири Шоҳигарии Таиланд хонум Йинглак Шинаватра сурат гирифт. Маросими расмии истиқбол дар саҳни ҳавлии бинои Ҳукумати Шоҳигарии Таиланд баргузор гардид. Президенти Ҷумҳурии Тоҷикистон Эмомалӣ Раҳмонро Сарвазири ин кишвар хонум Йинглак Шинаватра пешвоз гирифта, ба болои минбари фахрӣ даъват намуд. Маросими истиқболи расмӣ бо садо додани сурудҳои миллии ду кишвар, гузориши фармондеҳи горди фахрӣ, гузаштан аз назди горди фахрӣ ва шиносоӣ бо ҳайатҳои расмии ду ҷониб ҷараён гирифта, бо аксбардории расмӣ дар назди парчамҳо ба поён расид. Зимни мулоқоту музокироти расмӣ масоили вобаста ба муносиботи дӯстона ва ҳамкории судбахши ду кишвар дар самтҳои сиёсат, иқтисод ва савдо, сармоягузорӣ ва гуманитарӣ баррасӣ шуд. Сарвари давлати Тоҷикистон Эмомалӣ Раҳмон бо қаноатмандӣ изҳор дошт, ки равобити ду кишвар масири дӯстии самимӣ ва ҳамшарикии созандаро касб кардаанд. Доду гирифти мол ва сармоягузорӣ, соҳаҳои кишоварзӣ ва хоҷагии об, туризм, маориф, фаъолияти минтақаҳои озоди иқтисодӣ, бахшҳои энергетика, саноати сабук, хӯрокворӣ ва дигар соҳаҳои иқтисодиёт аз ҷумлаи самтҳои ҳамкории фарогир номида шуд. Барои густариши бештари робитаҳои ду кишвар ифтитоҳи хатсайри мустақими ҳавоӣ миёни шаҳрҳои Душанбе ва Бангкок зарур шумурда шуд. Пас аз анҷоми мулоқоту музокирот дар ҳузури Президенти Ҷумҳурии Тоҷикистон Эмомалӣ Раҳмон ва Сарвазири Шоҳигарии Таиланд хонум Йинглак Шинаватра Созишномаи байниҳукуматии Тоҷикистону Таиланд доир ба канорагирӣ аз андозбандии дукарата ва пешгирӣ намудани саркашӣ аз андозсупорӣ аз даромад ва сармоя ва ҳамчунин Баёнияи муштарак аз натиҷаҳои музокироти расмӣ ба имзо расид. http://khovar.tj/society/27981-1202ifzi-1203u1179u1179i-mu1203o1207ironi-me1203nat1251-az-so1203ibkasb-budan-o1171oz-megardad.html Иҷтимоиёт Payrav Fri, 17 May 2013 16:45:53 +0500 Душанбе, 17 май. (АМИТ «Ховар», Лутфия Эшонқулова).- Дирӯз сардори Хадамоти муҳоҷирати назди Ҳукумати Ҷумҳурии Тоҷикистон Сафиалло Девонаев бо вазири корҳои дохилии Ҷумҳурии Тоҷикистон Рамазон Раҳимов доир ба масъалаҳои танзими раванди муҳоҷирати меҳнатӣ дар Вазорати корҳои дохилӣ мулоқот доир намуд.  Тавре ки аз шуъбаи робита бо ҷомеаи Хадамоти муҳоҷират хабар доданд, мақсад аз вохӯрӣ муҳокимаи мушкилоти таълими касбии муҳоҷирони меҳнатӣ ва забономӯзии онҳо, таъмин бо ҷойи кор дар бозори меҳнати хориҷӣ, баланд бардоштани маърифати ҳуқуқӣ ва ҳимояи манфиатҳои иҷтимоии муҳоҷирони меҳнатӣ дар хориҷи кишвар, алалхусус дар Федератсияи Русия буд. Сардори Хадамоти муҳоҷират зикр намуд, ки муассисаҳои касбию техникӣ кайҳо бояд ба талаботи муосир ҷавобгӯ гардонида шуда, марказҳои таълимиро дар навоҳии дурдасти ҷумҳурӣ таъсис намудан ба мақсад мувофиқ аст. Дар ҷараёни мулоқот мусоҳибон доир ба мустаҳкам намудани заминаҳои таълими касбӣ ва забономӯзӣ дар маркази ноҳияҳо, ташкили намояндагиҳои Омӯзишгоҳҳои касбӣ -техникӣ (ОКТ) - Комбинати омӯзишӣ - истеҳсолӣ (УПК) дар синфҳои болоии макотиби таҳсилоти ҳамагонӣ, баромадан ба бозори меҳнати давлатҳои мутараққӣ ва дигар масъалҳои танзими раванди муҳоҷират дар дохили кишвар ибрози андеша намуданд. Инчунин дар мулоқот оид ба вазъи раванди муҳоҷират дар дохили кишвар, ҳамкории зичи вазорату идораҳои ҷумҳурӣ дар танзими будубоши шаҳрвандони хориҷӣ ва шахсони бешаҳрвандӣ, ҳамкорӣ дар самти нигоҳдории шаҳрвандони хориҷӣ дар муассисаҳои нигоҳдории муваққатии Вазорати корҳои дохилӣ мубодилаи афкор сурат гирифт. http://khovar.tj/regions/27980-iftito1203i-istiro1203atgo1203-dar-rosht1179ala.html Минтақаҳо Payrav Fri, 17 May 2013 16:33:22 +0500 Роштқалъа, 17 май. (АМИТ «Ховар», Ҷ. Улфатшоев).-Дирӯз дар мавзеи Занинси ноҳияи Роштқалъа маросими ифтитоҳи истироҳатгоҳ барои собиқадорони ҷангу меҳнат сурат гирифт.  Дар маросим вазири меҳнат ва шуғли аҳолии Ҷумҳурии Тоҷикистон М. Маҳмадаминов, раиси вилоят Қодири Қосим, роҳбарони мақомоти дахлдори Вазорати меҳнат ва шуғли аҳолии ҷумҳурӣ, сардорони сохторҳои марбутаи вилоятӣ ширкат карданд. http://khovar.tj/regions/27979-peshni1203odi-mardum-ba-vaziri-me1203nat-va-shu1171li-a1203ol1251.html Минтақаҳо Payrav Fri, 17 May 2013 16:33:02 +0500 Бадахшон, 17 май. (АМИТ «Ховар», Ҷ. Улфатшоев).-Имрӯз дар маҷлисгоҳи хурди мақомоти иҷроияи маҳаллии ҳокимияти давлатии ВМКБ вохӯрии вазири меҳнат ва шуғли аҳолии Ҷумҳурии Тоҷикистон Маҳмадамин Маҳмадаминов бо намояндагони воҳидҳои сохтории вилоятӣ, шаҳриву ноҳиявӣ, кормандони дигар муассисаву ташкилотҳои давлатӣ доир гардид.  Дар вохӯрӣ раиси вилоят, роҳбарони сохторҳои зертобеи Вазорати меҳнат ва шуғли аҳолии Ҷумҳурии Тоҷикистон ҳузур доштанд. Дар вохӯрӣ таклифу пешниҳоди иштирокчиён ба вазири меҳнат ва шуғли аҳолии Ҷумҳурии Тоикистон М. Маҳмадаминов ва раиси Вилояти Мухтори Куҳистони Бадахшон Қодири Қосим манзур гардиданд. http://khovar.tj/society/27978-donish12071263-1203angomi-obboz1251-1171ar1179-shud.html Иҷтимоиёт Payrav Fri, 17 May 2013 16:09:39 +0500 Душанбе, 17 май. (АМИТ «Ховар», Лутфия Эшонқулова).- Донишҷӯи бахши 4-уми Донишкадаи энергетикии шаҳри Қӯрғонтеппа Зикрулло Табарови 22- сола, 16 май аз беэҳтиётӣ ҳангоми оббозӣ дар канали Ҷайҳун ғарқ мешавад.   Тавре ки ба АМИТ «Ховар» аз маркази Кумитаи ҳолатҳои фавқулодда ва мудофиаи граждании назди Ҳукумати ҶТ хабар доданд, ҳайати шахсии Ситоди вилояти Хатлон баъди гирифтани хабар ба ҷойи ҳодиса ҳозир шуда, ба корҳои ҷўстуҷўӣ машғул гардид. Қобили қайд аст, ки ҳайати шахсии Ситод оид ба ҳолатҳои фавқулоддаи вилояти Хатлон бо сардории капитан Ҳотамшо Шарифов корҳои ҷустуҷўиро то ҳол давом дода истодаанд. Бо дарёфт намудани ҷасади номбурда, маълумоти иловагӣ пешниҳод карда мешавад. http://khovar.tj/regions/27977-chand-habar-az-hori1207i-kishvar.html Минтақаҳо Payrav Fri, 17 May 2013 15:33:14 +0500 Қаллобӣ дар Амрико Душанбе, 17 май .(АМИТ «Ховар»).-Тавре ки дар торномаи www.rg.ru навишта шудааст, дар соҳаи андози Иёлоти Муттаҳидаи Амрико қаллобӣ ошкор шудааст. Президенти Амрико Барак Обама дар ҳузури кормандони васоити ахбори оммаи кишвар иҷрокунандаи вазифаи роҳбари Раёсати андози кишвар-Стивен Миллердро ба истеъфо фиристод. Ин шахси мансабдор дар пайи ошкор шудани амалҳои қаллобӣ аз қудрат барканор карда шуд. Президент ин қаллобиро нобахшиданӣ унвон карда, изҳор дошт, ки ифшои амали мазкур боиси нигаронист. Вазири рушди иқтисоди Амрико барои ошкор шудани амали қаллобӣ аз Хадамоти молиявии кишвар дархости истеъфо намудааст. Обама таъкид дошт, ки Хадамоти молиявӣ ба роҳбари ҷадид ниёз дорад. Роҳбари бонки «Росбанк»-и Русия дастгир шуд Душанбе, 17 май .(АМИТ «Ховар»).-Дар торномаи интернетии www.vesti.ru омадааст, ки кормандони Хадамоти зиддиришваситонии Вазорати корҳои дохилии Федератсияи Русия роҳбари бонки «Росбанк» Владимир Голубков ва ноиби президенти бонк Тамара Полянитсинаро бо ҷурми ришваситонӣ дастгир карданд. Тибқи маълумоти расида, Голубков аз роҳбари яке аз ширкатҳои тиҷоратӣ 1,5 миллион доллар пора талаб намудааст. Маблағи мазкур бояд тавассути миёнарав- Тамара Полянитсина супорида мешуд, зеро қаблан барои ҳамкорӣ бо мақомоти қудратӣ Тамара розигӣ дода буд. Дар натиҷа як қисми маблағи талабкардаи Голубков дар ҳаҷми 5 миллион рубл ба ў тақдим шуд. Баъди ин, ўро дар утоқи кориаш дастгир карданд. дар айни ҳол тафтишоти пешакӣ дар ин самт идома дорад. Шумораи бекорон дар Британияи Кабир Душанбе, 17 май .(АМИТ «Ховар»).- Ба иттилои сомонаи www.Hamshahri.com шумораи бекорон дар Британияи Кабир рў ба афзоиш аст. Ҳукуматдорони кишвар барои пешгирии сатҳи бекорӣ барномаҳои махсус қабул менамоянд. Бояд гуфт, ки аз моҳи январ то апрели соли равон шумораи бекорон боз 15 ҳазор нафарро ташкил дод. Дар маҷмуъ сатҳи бекорӣ дар кишвар 7,8 дарсадро ташкил медиҳад. Музди маош коҳиш ёфтааст, ки аз соли 2009-ум инҷониб чунин ҳолат ба қайд гирифта нашуда буд. Аммо бояд гуфт, ки иқтисодиёти кишвар тадриҷан рушд мекунад, зеро маҷмўи маҳсулоти дохилии кишвар то 0,3 дарсад боло рафтааст. Тарҷумаи Иброҳими Ҳабибуллоҳ http://khovar.tj/culture/27976-na1179shi-matbuot-dar-kitobhonai-millii-to1207ikiston.html Фарҳанг Payrav Fri, 17 May 2013 15:12:50 +0500 Душанбе, 17 май. (АМИТ «Ховар», Раъно Нусратуллоева).-Имрӯз дар Китобхонаи миллии Тоҷикистон бо ибтикори шуъбаи матбуоти даврӣ мулоқоти сардабирони рӯзномаву маҷаллаҳои ҷумҳурӣ зери унвони «Нақши матбуот дар Китобхонаи миллии Тоҷикистон» баргузор гардид. Дар чорабинӣ муовини директори китобхона Ҳуриннисо Ализода, раиси Иттифоқи журналистони Тоҷикистон Акбаралӣ Сатторов сухан гуфта, роҷеъ ба ҳамкориҳои тарафайн ва роҳҳои судманди робита байни китобхона ва рӯзномаву маҷаллаҳо андешаҳои иштирокдорони ҷамъомад шунида шуд. Дар ҳамоиш ба суолҳои чанде аз иштирокдорон роҷеъ ба автоматикунонии раванди китобдорӣ-иттилоотӣ дар китобхона масъули бахш - муовини директори Китобхонаи миллии Тоҷикистон Нодир Мирзоев посух дод. Лозим ба ёдоварист, ки хазинаи шуъбаи матбуоти даврии Китобхонаи миллии Тоҷикистон 734 ҳазору 810 нусхаро ташкил медиҳад, ки аз ин ҳисоб 313 ҳазору 80 адад маҷалла, 990 ҳазору 17 адад нашрияи давомдор ва 219 ҳазору 93 адад рӯзномаро дар бар мегирад. Дар шуъба феҳристи матбуоти даврӣ ва нашрияҳои давомдор вуҷуд дорад. Хадамоти истифодабарандагон дар толори хониш ва дигар қисмҳои сохтори китобхона ба амал оварда мешавад. Дар бойгонии шуъба рӯзномаву маҷаллаҳо ба забони тоҷикӣ, аз соли 1932 ва бо забони русӣ аз соли 1930 нигоҳ дошта мешаванд. Аз нашрияҳои ватанӣ ба шуъбаи матбуоти даврии китобхона нусхаҳои электронӣ дастрас гардидаанд ва воридоти онҳо идома дорад. Махзани китобхона бо китобу рӯзномаву маҷаллаҳо асоси пешрафти ҳар як ҷомеа ба ҳисоб рафта, асоси маънавии ҳама гуна тараққиётро ба вуҷуд меорад, ки дар ин раванд саҳми шуъбаи матбуоти даврӣ низ назаррас аст. http://khovar.tj/society/27975-na1179shai-davati-1207avonon-ba-hizmati-1203arb1251-i1207ro-shud.html Иҷтимоиёт Payrav Fri, 17 May 2013 15:10:44 +0500 Душанбе, 17 май. (АМИТ «Ховар», Баҳманёр Муродов).-Вазорати мудофиаи Тоҷикистон иттилоъ додааст, ки нақшаи даъвати ҷавонон ба сафи Қувваҳои мусаллаҳ пеш аз муҳлат ва барзиёд иҷро шудааст. Гуфта мешавад иҷрои нақша дар вилояти Суғд ба 100,1 дарсад, дар вилояти Хатлон 101,4 %, дар ВМКБ 100 фоиз, дар комисариатҳои ҳарбии навоҳии тобеи марказ 100,2 дарсад ва дар чаҳор ноҳияи пойтахт ба 101,1 дарсад расида, дар маҷмуъ нақшаи ҷумҳуриявӣ 100,67 иҷро шудааст. Ҷавонписароне, ки аз рӯзҳои аввали даъват ба артиш шомил гардидааанд, ҳоло дар қисмҳои ҳарбӣ пас аз хатми курсҳои кӯтоҳмуддати таълимӣ савганди ҳарбӣ ёд намуда истодаанд. Даъвати баҳорӣ дар Тоҷикистон ҳамасола дар моҳҳои апрелу май баргузор гардида, ба сафи Қувваҳои мусаллаҳ ҷавонони 18-27 сола даъват мешаванд.