ФАВРӢ: Изҳороти А. Зуев баъд аз мулоқот бо Эмомалӣ РаҳмонМаросими супоридани «Сангпораи сулҳи Ҳирошима»Мардуми тоҷику чинӣ қарнҳо боз бо ҳам дӯстандОшноии муҳоҷирон бо навовариҳои қонунгузории Ф РДушанбе ва Остона -тавсеаи равобити парлумонӣ

Деҳаҳои Мўъминобод номи тоҷикӣ гирифтанд

Душанбе, 15 июн.(АМИТ «Ховар», Марзия Саидова).-Дар асоси пешниҳоди Ҳукумати Ҷумҳурии Тоҷикистон ва илтимосномаи Маҷлиси вакилони халқи вилояти Хатлон номи бархе аз маҳалҳои аҳолинишини ноҳияи Мўъминобод иваз карда шуданд. Вобаста ба ин аъзои Палатаи болоии парлумони мамлакат дар иҷлосияи нўҳуми Маҷлиси миллӣ қарори дахлдорро қабул намуданд. Тибқи он номи шаҳраки Ленинград ба шаҳраки Мўъминобод, деҳоти Туту ба номи шоири классики тоҷик Шамсиддин Шоҳин табдил дода шуданд. 

Инчунин номи даҳ деҳаи Мўъминобод, аз ҷумла деҳаҳои Чумчуқлӣ ба Даҳаначиён, Сарсибулоқ ба Дўстӣ, Чуқурак ба Нуробод, Оқлар ба Навбаҳор, Ҷарчеб-1 ба номи Абўабдуллоҳи Рўдакӣ, Ҷарчеб-2 ба номи Ҷалолиддини Румӣ, Ҷарчеб ба Ободон, Қипчоқ ба Чашмасор, Шулдуқ ба Бўстон ва деҳаи Тоқабуна ба Истиқлолият тағйир дода шуданд. Деҳаҳои мазкур дар ҳудуди деҳоти Боғгаӣ, Туту, Деҳибаланд ва Кулчашма воқеъ мебошанд.