ФАВРӢ: Маросими оғози сафари расмии Президенти Ҷумҳурии Чехия Милош Земан ба Тоҷикистон3 медали варзишгарони тоҷик дар Бозиҳои ОсиёҚарзи хориҷии Тоҷикистон - баробари беш аз 2 миллиард долларМуҳокимаи татбиқи лоиҳаҳои сармоягузорӣОзмуни эҷодии «Ин таърихи муваффақияти ман аст!»

Қисмати ҷануби кишвар аз бунбасти коммуникатсионӣ раҳо меёбад

Душанбе, 20 июн.(АМИТ «Ховар», Марзия Саидова).-Воридоти таҷҳизот ва маводи сохтмонӣ барои бунёди хати роҳи оҳани Душанбе –Қўрғонтеппа аз андоз аз арзиши иловашуда ва пардохтҳои гумрукӣ озод карда мешавад. Дар ин хусус вакилони палатаи поёнии парлумони Тоҷикистон 20 июн ба лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012» илова ворид намуданд.  

Сафаралӣ Наҷмиддинов, вазири молияи ҷумҳурӣ ҳангоми баррасии масъалаи мазкур гуфт, ки сохтмони роҳи оҳани мазкур шароит фароҳам меорад, ки минтақаи Душанбе бо минтақаи Қўрғонтеппа пайваст гардад. Он имкон медиҳад, ки масофаи роҳи оҳани Душанбе ва Қўрғонтеппа тавассути роҳи оҳани Ўзбекистон 331 километр кўтоҳ гардад. Инчунин он гаронии арзиши боркашонӣ ва хизматрасонӣ ба аҳолиро сабук менамояд. Хатти роҳи оҳани бунёдшаванда 40 километр дарозӣ дошта, он дорои як нақб бо дарозии 2 км 340 метр ва 18 купрўки хурду калон аст. Вазири молияи кишвар афзуд, ки тибқи ҳуҷҷатҳои лоиҳавию сметавӣ ва асосноки техникӣ- иқтисодӣ , ки аз ҷониби корхонаи воҳиди давлатии Пажўҳишгоҳи илмию таҳқиқотӣ ва лоиҳакашию кофтуковӣ таҳия шуда, барои пўшонидани хароҷотҳо ҷиҳати харидани маводи қисми болои роҳ барои сохтмони азнавсозии фосиалаҳои роҳи оҳани Душанбе Ёвон, азнавсозии фосилаҳои роҳи Ваҳдат –Элок инчунин, Қўрғонтеппа ва Вахш маблағҳои корҳои иҷрошаванда ба 508 миллион сомонӣ баробар аст. Аз он андоз аз арзиши иловашуда аз ҳисоби иҷрои корҳои сохтмонӣ 92 миллион сомонӣ, андоз аз арзиши иловашуда аз ҳисоби маводи воридшаванда барои қисми болии роҳ 32 миллион сомонӣ ва боҷи гумрукии онҳо 11 миллион сомониро ташкил медиҳад. Имтиёзҳои андозии пешниҳодшуда имконият медиҳад, ки рушди минбаъдаи базаи моддию техникии роҳи оҳани Ҷумҳурии Тоҷикистон таъмин карда шуда, аз ҳисоби маблағҳои худи корхона техникаю таҷҳизот ва маводи сохтмонӣ барои сохтмони роҳи мазкур харидорӣ гардад. Интизор меравад, ки роҳи оҳани мазкур дар зарфи ду соли оянда сохта ба истифода дода шуда, он бобати раҳоии қисмати ҷануби кишвар аз бунбасти коммуникатсионӣ нақши муассир мебозад.