ТЕРМИНАЛҲО БОЗ ТАҒЙИР ДОДА ШУДАНД

Август 6, 2009 09:49

                  Душанбе, 6 август. (АМИТ «Ховар», Лаззат Диловарзод).- Ҳукумати шаҳри Душанбе бо мақсди ҳаракати мутадил дар роҳҳои автомобилгарди пойтахт ва таъмини бехатари аҳолӣ бо нақлиёти мусофиркашонии шаҳрию байнишаҳрӣ тартиби навро ҷорӣ намуд. Нисбати тадбири андешидашуда мардум андешаҳои гуногун доранд.                  Мухбири АМИТ «Ховар» бо мақсади назарсанҷӣ дар 4 терминали атрофии шаҳр назари мардумро фаҳмидан хост.                   Карим Исоев сокини шаҳри Ваҳдат:                  -Дар давоми солҳои 1991- 2009 «терминал» — и шаҳри Ваҳдатро 6 маротиба иваз намуданд ва ҳар кӣ тавонист дар ин давраҳои бесарусомонӣ дар кӯчаҳои Душанбе «терминал» ташкил карду пул кор кард, мо нашунидем, ки нафаре аз ин соҳибтерминалҳо ба ҷазо кашида шуда бошанд. Худо кунад, ки инаш терминали охирин бошад.Гулсум Пиррова сокини ноҳияи Ҳисор:                   — Ба гумон аст, ки шаҳрдорӣ дар бораи беҳбудии кори тоҷиру корчалон ва соҳибкорони хурду миёна ва худи сокинони шаҳр фикр карда бошад. Мо ҳамеша кӯшиш мекунем, ки шаҳриёнро бо маҳсулоти хушсифату арзон таъмин кунем, аммо вақте борро ду- се маротиба аз як мошин ба мошини дигар бурор -фурор мекунед аз он чӣ сифат мемонад? Дигар, ин ки борро то ба шаҳр расонида наметавонию онро маҷбуран ба дасти ҳанотон месупорӣ, дигар онҳо медонанду дави аспашон.                    Собир Қунғуротов мусофир:                    — Мо сари калобаамонро гум кардаем, бигузор ҳарчӣ, ки мекунанд, кардан гиранд. Мо медодонем, ки аз гуфти мо бадтар мешаваду беҳтар не!                      Ба ҳар навъ терминалҳоро зери назорати идораҳои дахлдор қарор додаанд. Боз кӣ медонад, ки соҳибтерминалҳо чӣ бозиҳои пасипардагиро барои худ дуруст мекунанд, вагар на чӣ тавр ронандагон чашми нозирро хато карда, боз вориди шаҳр мегардад?  

Август 6, 2009 09:49

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст