Соли 2022 аз Хуҷанд ба хориҷи Тоҷикистон зиёда аз 70 ҳазор маҷмӯи либоси варзишӣ содирот гардид

Январь 20, 2023 09:55

ДУШАНБЕ, 20.01.2023 /АМИТ «Ховар»/. ҶДММ «Раҳимов» яке аз корхонаҳои саноатии фаъоли шаҳри Хуҷанд  мебошад, ки давоми соли 2022 зиёда аз 70 ҳазор маҷмӯи либосҳои варзишӣ ба маблағи 14 миллион сомонӣ истеҳсол намуда, ба хориҷи кишвар, асосан Федератсияи Россия содирот кардааст. Дар ин бора АМИТ «Ховар» бо истинод ба Хадамоти матбуоти Раиси вилояти Суғд хабар медиҳад. 

Самти асосии фаъолияти ҶДММ «Раҳимов» истеҳсоли либоси варзишии кимано буда, бо ин мақсад дастгоҳу таҷҳизоти зарурӣ васлу насб ва мутахассисон ба кор ҷалб гардидаанд.

Корхонаи мазкур аз коргоҳҳои бофандагӣ, рангу бор ва дӯзандагӣ иборат буда, 65 нафар ба шуғли доимӣ фаро гирифта шудаанд. Маҳсулоти истеҳсолгардида пурра аз пахта буда, ба содирот нигаронида шудааст.

Корхонаи дигари саноатӣ, ки дар он либосҳои варзишӣ истеҳсол мегарданд, ҶДММ «Са-Рей» аст. Ашёи хоми дар он истифодашаванда, яъне ришта аз дохили кишвар буда, маҳсулоти истеҳсолгардида пурра содирот карда мешавад. Дар корхона 25 нафар кор мекунанд ва соли 2022 ба маблағи умумии беш аз 2 миллион сомонӣ маҳсулот истеҳсол гардидааст.

Мавриди зикр аст, ки 19 январ Раиси вилояти Суғд Раҷаббой Аҳмадзода дар шаҳри Хуҷанд бо фаъолияти якчанд корхонаи саноатӣ шинос гардида, барои истифодаи пурраи иқтидорҳои истеҳсолӣ ба масъулин супоришҳо дод.

Раиси вилоят ҳамзамон ҳангоми шиносоӣ фаъолияти муназзами чунин корхонаҳои истеҳсолиро назаррас арзёбӣ карда, таъкид дошт, ки дар партави дастуру супоришҳои Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилоят ҳамасола ҳаҷми истеҳсоли маҳсулоти саноатӣ зиёд гардида, корхонаҳои хурду бузург ва хатҳои нав фаъол гардонда мешаванд.

Ёдовар мешавем, ки чанде қабл аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо соҳибкорони Ҷумҳурии Корея  тасмим гирифта шуд, ки  дар Тоҷикистон корхонаҳои истеҳсоли лавозимоти варзишӣ таъсис ёбанд.

Ин тасмим зимни вохӯрии Раиси Кумитаи кор бо ҷавонон ва варзиш Абдулло Раҳмонзода бо ҳайати соҳибкорони Ҷумҳурии Корея ба миён гузошта шуд.

Дар вохӯрӣ ҳамчунин  ҷонибҳо роҷеъ ба истифодаи технологияҳои нав дар соҳаи варзиш, ҷалби сармоягузорӣ ҷиҳати рушди намудҳои гуногуни он табодули афкор намуданд.

София ШОИК,
АМИТ «Ховар»

АКС: Хадамоти матбуоти Раиси вилояти Суғд

Январь 20, 2023 09:55

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад